କେନ୍ଦ୍ରାପଡା: ରାଜ୍ୟ ସରକାରଙ୍କ ସଫଳତାରେ ଯୋଡ଼ି ହେଲା ଆଉ ଏକ ଫର୍ଦ୍ଦ। କେନ୍ଦ୍ରାପଡା ଜିଲ୍ଲା ମହାକାଳପଡ଼ା ବ୍ଲକ ବତୀଘର ଓ ଜମ୍ବୁ ଅଞ୍ଚଳର ହଜାର ହଜାର ଜନସାଧାରଣଙ୍କ ଦାବିକୁ ସମ୍ମାନ ଜଣାଇ ମଙ୍ଗଳବାର ଓଡ଼ିଶାର ପ୍ରଥମ ବୋଟ-ଆମ୍ବୁଲାନ୍ସର ଉଦଘାଟନ କରିଛନ୍ତି ମହାକାଳପଡ଼ା ବିଧାୟକ ତଥା ପୂର୍ବତନ ସ୍ୱାସ୍ଥ୍ୟମନ୍ତ୍ରୀ ଅତନୁ ସବ୍ୟସାଚୀ ନାୟକ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା
ମଙ୍ଗଳବାର ପଞ୍ଚାୟତିରାଜ ଦିବସ ତଥା ବିଜୁ ଜୟନ୍ତୀ ଅବସରରେ ନଦୀ ନାଳ ଘେରା ଏହି ଦୁଇ ପଞ୍ଚାୟତକୁ ଏଭଳି ଏକ ଉପହାର ଭେଟି ଦେଇଥିବାରୁ ସାରା ଅଞ୍ଚଳବାସୀ ବିଧାୟକ ଓ ରାଜ୍ୟ ସରକାରଙ୍କ ପ୍ରଶଂସା କରିଛନ୍ତି। ଏହି ପଞ୍ଚାୟତଗୁଡିକୁ ଗମନାଗମନ ସୁବିଧା ନ ଥିବାରୁ ଆଗରୁ ରୋଗୀ କିମ୍ବା ଗର୍ଭବତୀ ମହିଳାଙ୍କୁ ନେଇ ଡାକ୍ତରଖାନା ପହଞ୍ଚି ପାରୁନଥିଲେ ଅଞ୍ଚଳବାସୀ।