କେନ୍ଦ୍ରାପଡା:ଖଣ୍ଡିଆବନ୍ଧି ଗାଁ ବିସ୍ଫୋରଣ । ଆଜି ମଧ୍ୟାହ୍ନ ସମୟରେ କେନ୍ଦ୍ରାପଡା ଜିଲ୍ଲାରେ ଦେଖିବାକୁ ମିଳିଛି ଏଭଳି ଅଘଟଣ । ବାଣ ଉପରେ ଗାଡି ଚଢ଼ିବାରୁ ଗାଡିଟି ଛିଟିକି ପଡିଥିବା କାରଣରୁ ଏଭଳି ବିସ୍ଫୋରଣ ହୋଇଥିବା ସୂଚନା ମିଳିଛି । ଘଟଣାସ୍ଥଳରେ ପହଞ୍ଚିଛି ବମ ସ୍କ୍ବାର୍ଡ ଓ ସାଇଣ୍ଟିଫିକ ଟିମ ତଦନ୍ତ ଆରମ୍ଭ କରିଛି । ତେବେ ଏପରି ଘଟଣା ଦେଖିବାକୁ ମିଳିଛି ସଦର ଥାନା ଶ୍ୟାମସୁନ୍ଦରପୁର ପଞ୍ଚାୟତ ଖଣ୍ଡିଆବନ୍ଧି ଗାଁରେ ।
ସୂଚନାନୁଯାୟୀ, କେନ୍ଦ୍ରାପଡ଼ା କୁଦାନଗରୀ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ଟ୍ରେନି ଡାକ୍ତର ଭାବେ କାମ ଡ଼ଃ ସୁଜିତ ସାମଲ କାର୍ଯ୍ୟ କରୁଛନ୍ତି । ସେ ଆଜି ଡ୍ୟୁଟି ଶେଷ କରି ଘରକୁ ଆସି କଟକ ଯିବା ପାଇଁ ନିଜ କାର ଯୋଗେ ବାହାରିଥିଲେ । ଘରଠାରୁ ମାତ୍ର ୪୦୦ ମିଟର ଦୂରରେ ଏହି ଗାଁର ରମାକାନ୍ତ ମଲିକ ଜଣେ ବାଣ ଭିଡାଳି କିଛି ବାଣ ରାସ୍ତା ଉପରେ ଶୁଖାଇଥିଲେ । ତେବେ ଉକ୍ତ ବାଣ ଉପରେ ଡ଼ଃ ସୁଜିତଙ୍କ କାର ଚଢ଼ିବା ମାତ୍ରେ ଏକ ବଡ଼ ଧରଣର ବିସ୍ଫୋରଣ ହୋଇ କାରଟି ପ୍ରାୟ ୫ ଫୁଟ ଉପରକୁ ଉଠି ଯାଇଥିବା ସ୍ଥାନୀୟ ଲୋକେ କହିଛନ୍ତି । ପରେ ତାଙ୍କୁ ସ୍ଥାନୀୟ ଲୋକେ ଓ ଅଗ୍ନିଶମ ବାହିନୀ ତାଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ ।