କେନ୍ଦ୍ରାପଡା: ଜିଲ୍ଲାର ମାର୍ଶାଘାଇ ଥାନା ଅନ୍ତର୍ଗତ ବଡପାଳରେ ଥିବା ଏକ ମଦ ଦୋକାନରେ ଗଣ୍ଡଗୋଳ ଅଭିଯୋଗ । ଦୋକାନକୁ ଗୁରୁବାର ଅପରାହ୍ନରେ କିଛି ଯୁବକ ମଦ କିଣିବା ପାଇଁ ଆସିଥିଲେ । ମଦ କିଣିବା ସମୟରେ ଉକ୍ତ ଦୋକାନରେ କାର୍ଯ୍ୟରତ ଜଣେ ସେଲସମ୍ୟାନ ମଦର ଧାର୍ଯ୍ୟ ଦାମ ଠାରୁ ଅଧିକ ଦାମ କହିଥିଲେ। ଯେଉଁଥିପାଇଁ ଏହି ହିଂସା ଦେଖାଦେଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା
ପ୍ରଥମେ ଦୁଇ ପେଟି ଓ ପରେ ଗୋଟିଏ ପେଟି ମଦ କିଣିବା ପରେ ହଠାତ ଯୁବକମାନେ ସେଲସମ୍ୟାନଙ୍କୁ ଗେଟ ଖୋଲିବା ପାଇଁ ବାଧ୍ୟ କରିଥିଲେ । ଏଥିରେ ସେଲସମ୍ୟାନ ଜଣଙ୍କ ରାଜି ନହେବାରୁ ଉତ୍ୟକ୍ତ ଯୁବକମାନେ ବାଡ଼ି ସାହାଯ୍ୟରେ ମଦ ଦୋକାନ ଭିତରେ ଭଙ୍ଗାରୁଜା କରିବା ସହ ବାଇକ ପୋଡିବା ସହ ନଗଦ ପାଞ୍ଚ ଲକ୍ଷରୁ ଉର୍ଦ୍ଧ୍ବ ଟଙ୍କା ଲୁଟି ନେଇଥିବା ଅଭିଯୋଗ କରିଛନ୍ତି ସେଲସମ୍ୟାନ ବିକାଶ ସାହୁ ।