କେନ୍ଦ୍ରାପଡା: ଚାଷୀଙ୍କ ଠାରୁ ଧାନ କ୍ରୟ ପାଇଁ ରାଜ୍ୟ ସରକାର ବିଭିନ୍ନ ସମବାୟ ସମିତିରେ ଖୋଲିଛନ୍ତି ଧାନମଣ୍ଡି । ତେବେ ଚାଷୀ ମାନେ ଧାନ ବିକ୍ରି ପାଇଁ ସମବାୟ ସମିତିର ସାହାଯ୍ୟ ନେଉଥିବାବେଳେ ଏମାନଙ୍କ ଧାନ କ୍ରୟ ସମୟରେ କାଟ୍ ବ୍ୟବସ୍ଥାକୁ ନେଇ ଉଠିଛି ପ୍ରଶ୍ନ।
ଧାନ କ୍ରୟରେ କାଟ୍ ବ୍ୟବସ୍ଥାକୁ ନେଇ ଚିନ୍ତାରେ ଚାଷୀ
କେନ୍ଦ୍ରାପଡ଼ା ଜିଲ୍ଲାର ୯ଟି ବ୍ଲକରେ ଥିବା ବିଭିନ୍ନ ସମବାୟ ସମିତିରେ ଚାଲିଛି ଧାନକିଣା। ତେବେ ଧାନମଣ୍ଡିରେ ଧାନ କିଣା ନଯାଇପାରି ବାହାରେ ଖରା କାକରରେ ପଡି ରହିବା ଏବଂ ଧାନ କିଣା ସମୟରେ କାଟ ନେଉଥିବା ଯୋଗୁଁ ଚାଷୀମାନେ ଚିନ୍ତାରେ। ଏଭଳି ଦୃଶ୍ୟ ଦେଖିବାକୁ ମିଳିଛି ମହାକାଳପଡ଼ା ଅଳାଇଲୋ ସମବାୟ ସମିତିରେ। ସମିତିକୁ ଧାନ ବିକ୍ରି କରିବା ପାଇଁ ସରକାରଙ୍କ ପ୍ରଦତ୍ତ ଟୋକନ ନେଇ ଆସିଥିବା ଚାଷୀ ସମିତିରେ ଧାନ ବିକ୍ରି କରିନପାରି ମୁଣ୍ଡରେ ହାତ ଦେଉଥିବା ଦେଖାଯାଇଛି। ଅନ୍ୟପଟେ ଧାନ ସମିତିକୁ ଆସିଥିଲେ ମଧ୍ୟ ବିକ୍ରି ହୋଇ ପାରିନଥିବାରୁ ଷଣ୍ଢ କିମ୍ବା ଅନ୍ୟାନ୍ୟ ଜୀବଜନ୍ତୁଙ୍କ ଦାଉରୁ ରକ୍ଷା କରିବା ପାଇଁ ନିଜେ ପାଲ ବ୍ୟବସ୍ଥା କରୁଥିବା ଦେଖାଯାଇଛି।