କେନ୍ଦ୍ରାପଡ଼ା: ସାମୁଦ୍ରିକ ଝଡ଼ 'ଫନି' ଆହୁରି ଭୟଙ୍କର ରୂପ ଧାରଣ କରିଛି। ଏହା ଘଣ୍ଟା ପ୍ରତି ୧୩ କିଲୋମିଟର ବେଗରେ ସ୍ଥଳଭାଗ ଆଡକୁ ମାଡିଆସୁଛି । 'ଫନି' ମୁକାବିଲା ପାଇଁ ରାଜ୍ୟ ସରକାର ସମସ୍ତ ପ୍ରକାର ପ୍ରସ୍ତୁତି କରିଛନ୍ତି । ଏଥିପାଇଁ କେନ୍ଦ୍ରାପଡା ଜିଲ୍ଲା ପ୍ରଶାସନ ସମ୍ପୂର୍ଣ୍ଣ ସଜାଗ । ଜିଲ୍ଲାର 100ଟି ଗାଁର ପ୍ରାୟ 50 ହଜାର ଲୋକଙ୍କୁ ଗୁରୁବାର ସନ୍ଧ୍ୟା ସୁଦ୍ଧା ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିବ ଜିଲ୍ଲା ପ୍ରଶାସନ | ବୁଧବାର ସନ୍ଧ୍ୟାରେ ଅୟୋଜିତ ଏକ ବୈଠକରେ ଜଳସମ୍ପଦ ବିଭାଗ ସଚିବ ପ୍ରଦୀପ କୁମାର ଜେନା ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି |
'ଫନି' ମୁକାବଲା ପାଇଁ ଅନୁଷ୍ଠିତ ବୈଠକ ପରେ ଗଣମାଧ୍ୟମକୁ ସୂଚନା ଦେଇ ପ୍ରଦୀପ କୁମାର ଜେନା କହିଛନ୍ତି ଯେ ବିଭିନ୍ନ ସ୍ଥାନରେ ଥିବା ଚିଙ୍ଗୁଡି ଘେରି ଶ୍ରମିକ ଓ ମଇଁଷିଆଳ ମାନଙ୍କୁ ଠାବ କରି ସ୍ଥାନାନ୍ତର କରାଯିବ। ତେବେ ସ୍ଥାନାନ୍ତର ସମୟରେ ବୃଦ୍ଧ, ଗର୍ଭବତୀ ଓ ଭିନ୍ନକ୍ଷମ ମାନଙ୍କୁ ଗୁରୁତ୍ଵ ଦିଆଯିବ |