କେନ୍ଦ୍ରାପଡ଼ା : ହାତୀ ପାଇଁ ଆତଙ୍କିତ ଲୋକେ । କେନ୍ଦ୍ରାପଡ଼ା ଡେରାବିଶ ଥାନା ଅଧୀନ ନୂଆହାଟ ଗାଁ ଧାନ ବିଲରେ ବୁଧବାର ମଧ୍ୟାହ୍ନରେ ଏକ ହାତୀ କେଉଁଆଡୁ ପଶି ଆସିଥିଲା । ଯାହାକୁ ଦେଖି ଆତଙ୍କିତ ହୋଇପଡିଥିଲେ ସ୍ଥାନୀୟ ଲୋକେ । ହାତୀଟି ସମ୍ଭବତଃ ଖାଦ୍ୟ ପାଇଁ ଏଠାକୁ ଚାଲି ଆସିଥିବା ସ୍ଥାନୀୟ ଲୋକେ କହିଛନ୍ତି ।
ହାତୀ ଧାନବିଲରେ ପଶିଥିବା ଖବର ପାଇଁ ରୁଣ୍ତ ହୋଇଯାଇଥିଲେ ଏକାଧିକ ଲୋକେ । ଏତେ ସଂଖ୍ୟକ ଲୋକଙ୍କୁ ଦେଖି ଧାନ ବିଲ ମଧ୍ୟଦେଇ ହାତୀଟି ଅସୁରେଶ୍ୱର ଚାଲି ଯାଇଥିବା ସୂଚନା ମିଳିଛି । ଅସୁରେଶ୍ୱରରେ ହାତୀ ଆକ୍ରମଣରେ ଜଣେ ବୃଦ୍ଧାଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଥିବା ବେଳେ କେନ୍ଦ୍ରାପଡ଼ାରେ ହାତୀ କେଉଁଆଡ଼ୁ ଆସିଲା ସେନେଇ ଲୋକଙ୍କ ମନରେ ପ୍ରଶ୍ନ ଉଠିଛି ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି,ଇଟିଭି ଭାରତ
