କେନ୍ଦ୍ରାପଡା: ଖରସ୍ରୋତା ବଞ୍ଚାଅ ସଂଗ୍ରାମ ସମିତି ସମର୍ଥନରେ ବାହାରିଲା ମାର୍କସବାଦୀ କମ୍ୟୁନିଟି ପାର୍ଟି ବା CPIM । ନିର୍ବାଚିତ ସରକାର ଲୋକମାନଙ୍କ ସହ ସିଧାସଳଖ ଆଲୋଚନା ନକରି ପୋଲିସ ଲଗାଇ ଦମନମୂଳକ ନୀତି ଆପଣାଇ ନିରୀହ ଲୋକମାନଙ୍କୁ ଗିରଫ କରିଥିବା ଅଭିଯୋଗ କରିଛି ଏହି ଦଳ ।
ଖରସ୍ରୋତା ଆନ୍ଦୋଳନ ସପକ୍ଷରେ ବାହାରିଲା CPIM
ଲୋକତନ୍ତ୍ରରେ ଲୋକଙ୍କ ସହ ବୁଝାମଣା ପରିବର୍ତ୍ତେ କମ୍ପାନୀ ସହ ରାଜ୍ୟ ସରକାର ବୁଝାମଣା କରିଥିବା ଦଳ ପକ୍ଷରୁ ଅଭିଯୋଗ କରାଯାଇଛି । ଉପକୂଳ ଓଡିଶାରେ ୪୮୦ କିଲୋମିଟର ସମୁଦ୍ରକୂଳକୁ ରାଜ୍ୟ ସରକାର ବିକ୍ରି କରିଥିବା ଅଭିଯୋଗ କରି ଖରସ୍ରୋତା ପାଣି ବିକ୍ରି ପାଇଁ ସରକାର ଯେଉଁ ଯୋଜନା କରିଛନ୍ତି ସେଥିରେ ତାଙ୍କୁ ସଫଳ କରାଇ ଦିଆଯିବ ନାହିଁ ବୋଲି ଦଳ କହିଛି । ଏଥିସହ ଭିତରକନିକା ସାରା ବିଶ୍ୱରେ ବିରଳ ହେନ୍ତାଳବଣ ପାଇଁ ପ୍ରସିଦ୍ଧି ଲାଭ କରିଛି । ଏହାର ଜୈବ ବିବିଧତାକୁ ରକ୍ଷା କରିବା ସମସ୍ତଙ୍କ କର୍ତ୍ତବ୍ୟ ।