କେନ୍ଦ୍ରାପଡା: ନିର୍ବାଚନୀ ପ୍ରଚାର ପାଇଁ ଜିଲ୍ଲାରେ କେନ୍ଦ୍ରମନ୍ତ୍ରୀ ପୀୟୂଷ ଗୋଏଲ । ରବିବାର ଅପରାହ୍ନରେ କେନ୍ଦ୍ରମନ୍ତ୍ରୀ ପୀୟୂଷ ଗୋଏଲ ମାର୍ଶାଘାଇ ଥାନା ହଜାରି ପଡିଆରେ ହୋଇଥିବା ଅସ୍ଥାୟୀ ହେଲିପ୍ୟାଡ଼ରେ ଅବତରଣ କରିଥିଲେ । ଏହାପରେ ମହାକଳାପଡା ନିର୍ବାଚନ ମଣ୍ଡଳୀର ବିଭିନ୍ନ ପଞ୍ଚାୟତରେ ଆୟୋଜିତ ବିଶାଳ ରୋଡ଼ ଶୋରେ ଭାଗ ନେଇଥିଲେ ପୀୟୂଷ । ଯେଉଁଥିରେ ବିଜେପି ସାଂସଦ ପ୍ରାର୍ଥୀ ତଥା ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା ଓ ମହାକଳାପଡା ବିଧାୟକ ପ୍ରାର୍ଥୀ ବିଜୟ ପ୍ରଧାନଙ୍କ ପାଇଁ ପ୍ରଚାର କରିଥିଲେ ସେ ।
ମହାକାଳପଡ଼ା ନିର୍ବାଚନ ମଣ୍ଡଳୀରେ ଅନୁଷ୍ଠିତ ରୋଡ଼ ଶୋ’ରେ ଯୋଗ ଦେଇ କେନ୍ଦ୍ରାପଡା ସାଂସଦ ପ୍ରାର୍ଥୀ ବୈଜୟନ୍ତ ପଣ୍ଡା ଏବଂ ମହାକାଳପଡ଼ା ବିଧାୟକ ପ୍ରାର୍ଥୀ ବିଜୟ ପ୍ରଧାନଙ୍କ ପାଇଁ ପ୍ରଚାର କରିଥିଲେ ପୀୟୂଷ । ଏଥିସହ ସିନେ ତାରକା ଶ୍ରୀତମ ଦାସ ଏବଂ ବାବୁସାନ ମଧ୍ୟ ଯୋଗ ଦେଇଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା