କେନ୍ଦ୍ରାପଡା: ପାରିବାରିକ କଳହକୁ ନେଇ ବୋମାମାଡ଼ । ଏଭଳି ଘଟଣା ଘଟିଛି କେନ୍ଦ୍ରାପଡ଼ା ସହରସ୍ଥିତ ଜଇପୁରା ଗାଁରେ । ବୁଧବାର ବିଳମ୍ବିତ ରାତିରେ ଦାଦା ଓ ପୁତୁରାଙ୍କ ବିବାଦର ପରିଣାମ ସ୍ୱରୂପ ବୋମାମାଡ଼ ଘଟଣା ସହରରେ ଆତଙ୍କ ଖେଳାଇ ଦେଇଛି । ଘଟଣାରେ ଅଭିଯୁକ୍ତ ସେକ ହୁସେନ ଘରୁ ୯ଟି ଅଫୁଟା ବୋମା ଜବତ କରିଛି ଟାଉନ ଥାନା ପୋଲିସ ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା
ସୂଚନାମୂତାବକ, ଜଇପୁରା ଗାଁର ନୁରୂଲଉଲ୍ଲାହଙ୍କ ସାନପୁଅ ଗତକାଲି ରାତିରେ କେନ୍ଦ୍ରାପଡ଼ା ବଜାରକୁ ଯିବାପାଇଁ ବାହାରିବା ସମୟରେ ଦାଦା ହୁସେନଙ୍କ ସହିତ ବଚସା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ହୁସେନ ପୁତୁରାକୁ ଗାଳିଗୁଲଜ କରିବା ସହ ଭାଇ ନୁରୂଲଉଲ୍ଲାହଙ୍କୁ ମଧ୍ୟ ମାଡ଼ ମାରିଥିଲା । ଏହାପରେ ରାତିରେ ସେମାନେ ବୋମାମାଡ଼ କରିବା ସହିତ ଭାଇର ପରିବାରକୁ ଧମକ ଦେଇଥିଲା ।