କେନ୍ଦ୍ରାପଡା: ସାମୁଦ୍ରିକ ଝଡ 'ଅମ୍ଫାନ' ପାଇଁ କେନ୍ଦ୍ରାପଡା ଜିଲ୍ଲା ଦାୟିତ୍ବରେ ଥିବା ବରିଷ୍ଠ ଆଇପିଏସ ଅଫିସର ତଥା କେନ୍ଦ୍ରାଞ୍ଚଳ ଡିଆଇଜି ଆଶିଷ ସିଂ ତାଳଚୁଆ ଥାନା ଅନ୍ତର୍ଗତ ବିଭିନ୍ନ ଗାଁକୁ ଗସ୍ତ କରିଛନ୍ତି । ସେ କଚ୍ଚା ଘରେ ଥିବା ଲୋକମାନଙ୍କୁ ଉଚ୍ଚ ସ୍ଥାନରେ ଥିବା ବାତ୍ୟା ଆଶ୍ରୟସ୍ଥଳୀକୁ ଚାଲିଆସିବା ପାଇଁ ସଚେତନ କରାଇଛନ୍ତି । ଡିଆଇଜି ସିଂ ତାଳଚୁଆ,ରଂଗଣୀ,ଡାଙ୍ଗମାଳ ଆଦି ଗାଁରେ ବୁଲିବୁଲି ଲୋକମାନଙ୍କୁ ସଚେତନ କରାଇଥିବା ବେଳେ ନଦୀନାଳ ଘେରା ଏହି ଗାଁ ଗୁଡିକରେ ଥିବା ବାଉଁଶ ପୋଲ ଅତିକ୍ରମ କରି କିପରି ଅସମୟରେ ଲୋକମାନଙ୍କୁ ସହଯୋଗ ଓ ସଚେତନ କରାଯାଇପାରେ ସେନେଇ ଏକ ଉଦାହରଣ ସୃଷ୍ଟି କରିଛନ୍ତି ।
କେନ୍ଦ୍ରାଞ୍ଚଳ ଡିଆଇଜି ଲୋକଙ୍କୁ କଲେ ବାତ୍ୟା ସଚେତନ