କେନ୍ଦ୍ରାପଡ଼ା: ଅବହେଳିତ ଅବସ୍ଥାରେ ରାଜକନିକା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର । ରୋଗୀଙ୍କ ଜୀବନ ସହ ଖେଳ ଖେଳୁଛି କେନ୍ଦ୍ରାପଡା ସ୍ୱାସ୍ଥ୍ୟ ବିଭାଗ କର୍ମଚାରୀ । ଶୁକ୍ରବାର ରାଜକନିକା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଜଣେ ପୁରୁଷ ସ୍ୱିପର ରୋଗୀଙ୍କ ସାଲାଇନ ଲଗାଇବା ଓ ମହିଳା ସ୍ୱିପର ପାଇପ ଖୋଲିବା ନେଇ ଭିଡ଼ିଓ ସାମାଜିକ ଗଣମାଧ୍ୟମରେ ପ୍ରସାରିତ ହେବାପରେ ସ୍ୱାସ୍ଥ୍ୟ ବିଭାଗ ଦାୟିତ୍ବହୀନତାର ସ୍ପଷ୍ଟ ଚିତ୍ର ଜାହିର କରୁଛି ।
ରାଜ୍ୟ ସରକାର ରୋଗୀଙ୍କ ଚିକିତ୍ସା ପାଇଁ କୋଟିକୋଟି ଟଙ୍କା ଖର୍ଚ୍ଚ କରୁଥିବା ବେଳେ ମୋଟା ଅଙ୍କର ଦରମା ନେଇ ଡାକ୍ତର ଓ ନର୍ସ କର୍ତ୍ତବ୍ୟରେ ଅବହେଳା କରୁଥିବା ଅଭିଯୋଗ ହେଉଛି। ନିର୍ମଳ ଯୋଜନାରେ କାମ କରୁଥିବା ସ୍ୱିପରମାନେ ରୋଗୀଙ୍କ ସାଲାଇନ ପାଇପ ଖୋଲିବା, ପାଇପ ଲଗାଇବା, ଛୁଞ୍ଚି କାଢ଼ିବା ସହିତ ବେଳେବେଳେ କେଉଁ ସାଲାଇନ ଓ ଔଷଧ ତାହା ଜାଣିନଥିବା ସ୍ୱିପର କିପରି ରୋଗୀସେବା କରୁଛନ୍ତି ତାହା ଭାବିଲେ ମଧ୍ୟ ଆଶ୍ଚର୍ଯ୍ୟ ଲାଗୁଛି ।