ମାର୍ଦିଘାଟି ଜଙ୍ଗଲ ରାସ୍ତାରୁ ବ୍ୟକ୍ତିଙ୍କ ଗଳିତ ମୃତଦେହ ଉଦ୍ଧାର

ଜିଲ୍ଲା ସଦର ଥାନା ଅନ୍ତର୍ଗତ ଗୌଡପଡା ନିକଟସ୍ଥ ମାର୍ଦିଘାଟି ଜଙ୍ଗଲ ରାସ୍ତାରେ ମିଳିଛି ଜଣେ ଅଜଣା ବ୍ୟକ୍ତିଙ୍କ ଗଳିତ ମୃତଦେହ ।

ଫୁଲବାଣୀ: ଜିଲ୍ଲା ସଦର ଥାନା ଅନ୍ତର୍ଗତ ଗୌଡପଡା ନିକଟସ୍ଥ ମାର୍ଦିଘାଟି ଜଙ୍ଗଲ ରାସ୍ତାରେ ମିଳିଛି ଜଣେ ଅଜଣା ବ୍ୟକ୍ତିଙ୍କ ଗଳିତ ମୃତଦେହ । ମୃତ ଦେହଟି ଦୁଇ ତିନି ଦିନର ହୋଇଥିବା ବେଳେ ମୃତ୍ୟୁର କାରଣ ସ୍ପଷ୍ଟ ହୋଇ ନଥିବା ସୂଚନା ଦେଇଛି ପୋଲିସ ।

ତେବେ ଏହା ଏକ ହତ୍ୟା କି ଅନ୍ୟ କିଛି ସେନେଇ ରହିଛି ତଦନ୍ତ ଆରମ୍ଭ କରିଛି ପୋଲିସ । ଅନ୍ୟପଟେ ମୃତକଙ୍କ ପରିଚୟ ଜାଣିବା ପାଇଁ ପୋଲିସ ସୋସିଆଲ ମିଡିଆର ସହାୟତା ନେଇଛି । ଏନେଇ ଏକ ଅପମୃତ୍ୟୁ ମାମଲା ରୁଜୁ କରି ପୋଲିସ ତଦନ୍ତ ଚଳାଇଥିବା ସୂଚନା ଦେଇଛନ୍ତି ଥାନା ଅଧିକାରୀ ରାଧାକାନ୍ତ ସାହୁ ।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ