ଫୁଲବାଣୀ: କନ୍ଧମାଳ ଲୋକସଭା ଆସନ ସହିତ ଫୁଲବାଣୀ,ବାଲିଗୁଡା ଏବଂ ଘୁ.ଉଦୟଗିରି ବିଧାନସଭା ଆସନ ପାଇଁ ଆସନ୍ତା 23 ତାରିଖରେ ଭୋଟ ଗଣତି ହେବାକୁ ଥିବାବେଳେ ସେଥିପାଇଁ ପ୍ରଶାସନିକ ପ୍ରସ୍ତୁତି ଜୋରସୋରରେ ଚାଲିଛି। ଫୁଲବାଣୀ ସରକାରୀ ପଲିଟେକନିକ୍ କଲେଜ ଓ ବାଲିଗୁଡା ଆଦିବାସୀ ମହାବିଦ୍ୟାଳୟ ଓ ବାଲିଗୁଡା ଉପଜିଲାପାଳଙ୍କ କାର୍ଯ୍ୟାଳୟରେ ଭୋଟଗଣତି ହେବ।
ଫୁଲବାଣୀ ସରକାରୀ ପଲିଟେକନିକ୍ କଲେଜରେ 210 ଜଣ କାଉଣ୍ଟିଙ୍ଗ କର୍ମଚାରୀଙ୍କୁ ତାଲିମ ଦିଆଯାଉଛି। ଇଭିଏମ ଖୋଲିବା ସହିତ ଭୋଟଗଣତି,ପୋଷ୍ଟାଲ୍ ବାଲାଟ୍ ଗଣତି ଓ ଭିଭିପ୍ୟାଟ୍ ସ୍ଲିପ୍ ଗଣତି ପ୍ରଭୃତି ବିଷୟରେ ଏକ୍ସପର୍ଟ ଟ୍ରେନର୍ ପ୍ରାକ୍ଟିକାଲ ଟେନିଙ୍ଗ ଦେଉଛନ୍ତି। ଜିଲାପାଳ ତଥା ରିଟର୍ନିଂ ଅଫିସର ଡ. ବୃନ୍ଦା ଡି, ଅତିରିକ୍ତ ଜିଲାପାଳ ବସନ୍ତ କୁମାର ସାହୁ, ଫୁଲବାଣୀ ଓ ବାଲିଗୁ଼ଡା ଉପଜିଲାପାଳ ଉପସ୍ଥିତ ରହି ସମସ୍ତ ତାଲିମର ତଦାରଖ କରୁଛନ୍ତି ।