ଫୁଲବାଣୀ: କନ୍ଧମାଳ ଜିଲ୍ଲାରେ ଆନନ୍ଦ ଉଲ୍ଲାସର ସହିତ ଘୋଷଯାତ୍ରା ସମ୍ପର୍ଣ୍ଣ ହୋଇଛି । ଫୁଲବାଣୀରେ ଠାକୁରଙ୍କ ପହଣ୍ଡି ଓ ଅନ୍ୟ ରୀତିନୀତି ପରେ ଅପରାହ୍ନ 2ଟାରେ 30ରେ ରଥ ଟଣା ଆରମ୍ଭ ହୋଇଥିଲା । ଶ୍ରୀମନ୍ଦିର ଠାରୁ ମାଦିକୁନ୍ଦା ଛକ ମାଉସୀ ମା’ ମନ୍ଦିର ଯାଏଁ ଚତୁର୍ଦ୍ଧାମୂର୍ତ୍ତି ପହଞ୍ଚିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କନ୍ଧମାଳ
ଆଜିର ଏହି ପବିତ୍ର ରଥଯାତ୍ରାରେ ଛାତ୍ରଛାତ୍ରୀମାନଙ୍କ ପାରମ୍ପରିକ ନୃତ୍ୟ ଏବଂ ବାଡ଼ି ନୃତ୍ୟ ଆକର୍ଷଣର କେନ୍ଦ୍ରବିନ୍ଦୁ ପାଲଟିଥିଲା । ଏହା ସହିତ ଢ଼ାପ, ଚାଙ୍ଗୁ ବାଦ୍ୟରେ କମ୍ପିଥିଲା ସହର । ଏପଟେ ସୁରକ୍ଷାକୁ ଦୃଷ୍ଟିରେ ରଖି ଚାରି ପ୍ଲାଟୁନ ଫୋର୍ସ ମୁତୟନ ହୋଇଥିବା ବେଳେ ଅତିରିକ୍ତ ଏସପି ବିଷ୍ଣୁପଦ ମହନ୍ତ ସୁରକ୍ଷା ଦାୟିତ୍ବରେ ଅଛନ୍ତି ।