ରାସ୍ତାନିର୍ମାଣ ଦାବିରେ ରାସ୍ତାରୋକ, ଗାଡି ଚଳାଚଳ ବନ୍ଦ

ରାସ୍ତା ନିର୍ମାଣ, ଗାଁକୁ ମୋବାଇଲ ନେଟଓ୍ବାର୍କ ଓ ବିଜୁଳି ମରାମତି ଆଦି ଦାବି ନେଇ କନ୍ଧମାଳ ଜିଲ୍ଲା ସଦର ଥାନା ଅନ୍ତର୍ଗତ ଦଡକି ପଞ୍ଚାୟତବାସୀଙ୍କ ଟାୟାର ଜାଳି ରାସ୍ତାରୋକ ।

ଫୁଲବାଣୀ: କନ୍ଧମାଳ ଜିଲ୍ଲା ସଦର ଥାନା ଅନ୍ତର୍ଗତ ଦଡକି ଛକ ଠାରେ ରାସ୍ତା ଓ ଟାଓ୍ବାର ନିର୍ମାଣ ଦାବିରେ ଗ୍ରାମବାସୀଙ୍କ ରାସ୍ତା ଅବରୋଧ । ଏହି ଆନ୍ଦୋଳନରେ ଦଶରୁ ଅଧିକ ଗାଁ ଲୋକେ ସାମିଲ ହୋଇଥିଲେ ।

ଫଳରେ ଦୀର୍ଘ ସମୟ ଧରି ଫୁଲବାଣୀରୁ ଗୋଚ୍ଛାପଡାକୁ ଯାନବାହାନ ଚଳାଚଳ ବନ୍ଦ ରହିଥିଲା । ଘଟଣାସ୍ଥଳରେ ସଦର ପୋଲିସ, ତହସିଲଦାର ଓ ବିଡିଓ ପହଞ୍ଚି ଲୋକଙ୍କୁ ବୁଝାସୁଝା କରିବା ପରେ ରାସ୍ତାରୋକ ହଟିଥିଲା ।

କନ୍ଧମାଳରୁ ଶଦାଶିବ ପାତ୍ର, ଇଟିଭି ଭାରତ