କନ୍ଧମାଳ: ଦିନକୁ ଦିନ ବଢ଼ିବାରେ ଲାଗିଛି ସଡ଼କ ଦୁର୍ଘଟଣା । ବେପରୁଆ ଗାଡ଼ି ଚାଳନା ଏବଂ ଅସାବଧାନତା ପାଇଁ ସାଧାରଣ ଲୋକମାନଙ୍କ ଧନ ଜୀବନ ନଷ୍ଟ ହେଉଛି । ପ୍ରାୟତଃ ପ୍ରତିଦିନ ସଡ଼କ ଦୁର୍ଘଟଣାର ଖବର ସାମ୍ନାକୁ ଆସୁଥିବା ବେଳେ ଅନେକଙ୍କର ମୃତ୍ୟୁ ଘଟୁଥିବାର ନଜିର ରହିଛି । ତେବେ ଏବେ ପୁଣି ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ପ୍ରାଣ ହରାଇଛନ୍ତି ବୃଦ୍ଧ । ଏହାକୁ ନେଇ ଗ୍ରାମବାସୀ ରାସ୍ତାରୋକ କରିବା ସହ 10 ଲକ୍ଷ ଟଙ୍କା କ୍ଷତି ପୂରଣ ଦାବି କରିଛନ୍ତି । ତେବେ ଏଭଳି ଏକ ଘଟଣା ଦେଖିବାକୁ ମିଳିଛି କନ୍ଧମାଳ ଜିଲ୍ଲାରେ ।
ସୂଚନା ଅନୁସାରେ, କନ୍ଧମାନ ଜିଲ୍ଲା କୋଟଗଡ଼ ଥାନା ଅନ୍ତର୍ଗତ ବଣ୍ଡା ପିପିଲି ପଞ୍ଚାୟତର ବଣ୍ଡାଇରପି ମୁଣ୍ଡାର ଗ୍ରାମ ବୃଦ୍ଧ ଡ୍ରହଲା ଶୁକମାଝି ମାଙ୍କଡ଼ ଘଉଡାଇବା ପାଇଁ ବିଲକୁ ଯାଉଥିଲେ । ଏତିକି ବେଳେ ଅଚାନକ ଏକ ଦ୍ରୁତଗାମୀ ମାଲବୋଝେଇ ଟ୍ରକ୍ ଆସି ଆଖୁ ପିଛୁଳାକେ ଡ୍ରହଲାଙ୍କ ଉପରେ ଚଢ଼ି ଯାଇଥିଲା । ଫଳରେ ଘଟଣାସ୍ଥଳରେ ହିଁ ବୃଦ୍ଧ ଜଣଙ୍କ ମୃତ୍ୟୁ ହୋଇଥିଲା । ସେପଟେ ଦୁର୍ଘଟଣା ଘଟିବା ପରେ କୋଟଗଡ଼ ପୋଲିସ ସୂଚନା ପାଇ ଘଟଣାସ୍ଥଳରେ ପହଞ୍ଚିବା ସହ ସମ୍ପୃକ୍ତ ଗାଡ଼ିକୁ ଅଟକ ରଖିଛି ।
ଏହା ମଧ୍ୟ ପଢ଼ନ୍ତୁ.....ରାଇରଙ୍ଗପୁରରେ ସଡ଼କ ଦୁର୍ଘଟଣା, ଦୁଇ ମୃତ, ଛଅ ଗୁରୁତର