ଫୁଲବାଣୀ: କନ୍ଧମାଳ ଜିଲ୍ଲାର ବାଲିଗୁଡା ଅଞ୍ଚଳରେ ମାଓ ପୋଷ୍ଟର । ଆସନ୍ତା 15 ତାରିଖ ଦିନ କେକେବିଏନ୍(କଳାହାଣ୍ଡି କନ୍ଧମାଳ ବୌଦ୍ଧ ନୟାଗଡ) ଅଞ୍ଚଳରେ ଦିନିକିଆ ବନ୍ଦ ଡାକରା ଦେଇଛି ସିପିଆଇ ମାଓବାଦୀ ସଂଗଠନ । ଏନେଇ ବାଲିଗୁଡା ଥାନା ଅନ୍ତର୍ଗତ ବାରଖମାର ଡାବୁଡୁକିଆ ଘାଟିରେ ଗଛ ପକାଇ ରାସ୍ତା ଅବରୋଧ କରିବା ସହ ପୋଷ୍ଟର ମାରିଛନ୍ତି ମାଓବାଦୀ ।
ଗତ ବର୍ଷ ମେ 13 ତାରିଖରେ ସୁଡ୍ରୁକୁମ୍ପା ଏନକାଉଣ୍ଟରରେ 5 କ୍ଯାଡର ମାଓବାଦୀ ନିହତ ହୋଇଥିଲେ । ତେବେ ଏହି ମୃତ ମାଓବାଦୀଙ୍କୁ ସମ୍ମାନ ଜଣାଇବା ପାଇଁ ବନ୍ଦ ଡାକରା ଦେଇଛି ଲାଲ୍ ବାହିନୀ । ଏନକାଉଣ୍ଟରରେ ମୃତ୍ୟୁ ଘଟିଥିବା କମରେଡ୍ ବାଦଲ, ମଦନ, ଭୀମା, ଶୀଲା ଓ ରାଧାଙ୍କ ବଳିଦାନକୁ ସ୍ବୀକାର କରିବା ସହ ସେମାନଙ୍କୁ ଶ୍ରଦ୍ଧାଞ୍ଜଳୀ ଦେବାକୁ ଆହ୍ବାନ କରାଯାଇଛି ।