ଫୁଲବାଣୀ: ଗତକାଲି ନୃଶଂସ ହତ୍ୟାକାଣ୍ଡ ପରେ ଆତଙ୍କର ବାତାବରଣ ଖେଳିଯାଇଛି କନ୍ଧମାଳ ସାରଙ୍ଗଡ଼ ଥାନା ଅନ୍ତର୍ଗତ ପାବୁରିଆ ଗାଁରେ । ରବିବାର ସମସ୍ତ ଦୋକାନ ବଜାର ବନ୍ଦ ରହିଥିବା ବେଳେ ଗାଡି ଚଳାଚଳ ମଧ୍ୟ ବାଧାପ୍ରାପ୍ତ ହୋଇଛି। ଲୋକେ କାହା ସହିତ କଥା ହେଉ ନଥିବା ବେଳେ ଗାଁରେ କେବଳ ମାଳ ମାଳ ପୋଲିସ ।
ହତ୍ୟା ପରେ ଆତଙ୍କର ମାହୋଲ: ଚବିଶ ଘଣ୍ଟା ପରେ ମଧ୍ୟ ପୋଲିସ ହାତ ଖାଲି
ରବିବାର ଘୁ.ଉଦୟଗିରୀ ଏସଡିପିଓ ଓ ତିନୋଟି ଟିମ୍ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ମୃତଦେହ ଜବତ କରିବା ପରେ ଘୁ.ଉଦୟଗିରୀ ମେଡିକାଲରେ ବ୍ୟବେଚ୍ଛଦ ପରେ ପରିବାରକୁ ହସ୍ତାନ୍ତର କରାଯାଇଛି । ହତ୍ୟା କରି ଫେରାର ହୋଇଯାଇଥିବା ଦୁର୍ବୃତ୍ତଙ୍କୁ ପୋଲିସ୍ ଧରି ନଥିବାରୁ ଆତଙ୍କର ବାତାବରଣ ଲାଗିରହିଛି। ସାଇଣ୍ଟିଫିକ ଟିମ ମଧ୍ୟ ହତ୍ୟାକାଣ୍ଡ ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।