ଭବାନୀପାଟଣା: ଆସିଛି ରଙ୍ଗର ପର୍ବ ହୋଲି। ରଙ୍ଗର ପର୍ବ ହୋଲିକୁ ନେଇ ଚାରିଆଡେ ଉତ୍ସାହର ଧୁମ। ହୋଲି ରଙ୍ଗରେ ରଙ୍ଗେଇ ହେଲେ କଳାହାଣ୍ଡିବାସୀ। ପରସ୍ପରକୁ ଫଗୁ ଅବିର ଲଗାଇ ରଙ୍ଗର ପର୍ବ ପାଳୁଛନ୍ତି ଲୋକ । ହେଲେ କୋରୋନା ଭାଇରସ ଭୟ ପାଇଁ ଫିକା ପଡିଛି ହୋଲିର ମାହୋଲ।
କଟକଣା ଭିତରେ ହୋଲି ପାଳିଲେ କଳାହାଣ୍ଡିବାସୀ
ତଥାପି ରଙ୍ଗର ପର୍ବ ହୋଲିକୁ ବେଶ ଉତ୍ସାହରେ ପାଳନ କରାଯାଇଛି। ପୂର୍ବ ଶତ୍ରୁତାକୁ ଭୁଲି ପରସ୍ପରକୁ ରଙ୍ଗ ଲଗାଇ ଭାଇଚାରାର ବାର୍ତ୍ତା ବାଣ୍ଟୁଛନ୍ତି ଜିଲ୍ଲାବାସୀ। ଗୋଟିଏ ପଟେ ହୋଲିର ଉତ୍ସାହ ଅନ୍ୟପଟେ କୋରୋନାର ଭୟ । ଏଭଳି ଦୋଛକି ଭିତରେ ପାରମ୍ପରିକ ରୀତିରେ ସାରା ଭବାନୀପାଟଣା ସହରରେ ମଧ୍ୟ ପାଳିତ ହୋଇଛି ରଙ୍ଗର ପର୍ବ ହୋଲି।