ଫୁଲବାଣୀ: ପୋଲିସ ଚୋରର ଲୁଚକାଳି ଖେଳରେ ଫସିଗଲା ଅଭିଯୁକ୍ତ । ପୋଲିସ ଆଖିରେ ଧୂଳି ଦେଇ ଖସିଯିବାକୁ ଚେଷ୍ଟା କରୁଥିବା ଚୋରକୁ ପାନେ ଦେଇଛି ପୋଲିସ। ଜିଲ୍ଲାର ଖଜୁରିପଡା ଥାନା ଅଞ୍ଚଳରେ ଦେଖିବାକୁ ମିଳିଛି ଏହିପରି ଘଟଣା ।
ଭିଡିଓ ସୌଜନ୍ୟ- ସମ୍ବାଦଦାତା, କନ୍ଧମାଳ
ଥାନାରୁ ଜଣେ ଅଭିଯୁକ୍ତକୁ ମୋଟର ସାଇକେଲ ଜରିଆରେ ଫୁଲବାଣୀ କୋର୍ଟକୁ ନେଉଥିଲେ ଉକ୍ତ ଥାନାର ଦୁଇ ଜଣ କନେଷ୍ଟବଳ ଅଗସ୍ତି ପାତ୍ର ଓ ସୁରେନ୍ଦ୍ର ଗଣ୍ଡା । ତେବେ ଚଳନ୍ତା ବାଇକରୁ ଖସିଯିବା ପାଇଁ ଚେଷ୍ଟା କରୁଥିବା ଅଭିଯୁକ୍ତ ଜଣକ ବାଇକ ଚଳାଉଥିବା କନେଷ୍ଟବଳଙ୍କ ମୁହଁରେ ଗାମୁଛା ପକାଇ ଦେଇଥିଲା । ଫଳରେ ବାଇକ ଦୁର୍ଘଟଣାଗ୍ରସ୍ତ ହୋଇଥିଲା । ସମସ୍ତେ ଗୁରୁତର ଭାବେ ଆହତ ହୋଇଥିଲା । ତେବେ ଗୁରୁତ୍ବପୂର୍ଣ୍ଣ କଥାଟି ହେଲା ଗୁରୁତର ଅବସ୍ଥାରେ ଥିବା ସଂପୃକ୍ତ କନେଷ୍ଟବଳ ଅଭିଯୁକ୍ତକୁ କାବୁ କରିବାରେ ସକ୍ଷମ ହୋଇଥିଲେ । ପରେ ଥାନାର ଅନ୍ୟ ପୋଲିସ କର୍ମୀ ଘଟଣାସ୍ଥଳରେ ପହଁଚି ଅଭିଯୁକ୍ତକୁ କାବୁ କରିଥିଲେ ।