‘ବିକାଶ ହିଁ ମୂଳ ଲକ୍ଷ୍ୟ’

କଂଗ୍ରେସ ଗଡରେ ବିଜେପି ପ୍ରାର୍ଥୀଙ୍କୁ ମିଳିଲା ଟିକେଟ। ଏଥର ନିର୍ବାଚନ ମଇଦାନକୁ ଓହ୍ଲାଇବେ ମହିଳା ପ୍ରାର୍ଥୀ। କନ୍ଧମାଳ ଜି.ଉଦୟଗିରିରେ ବିଧାନସଭା ଆସନରେ ବିଜେପି ପ୍ରାର୍ଥିନୀ ଭାବେ ଟିକେଟ ପାଇଛନ୍ତି ଅର୍ଚ୍ଚନା ପ୍ରଧାନ। ପ୍ରଥମେ ସେ ଅଧ୍ୟାପିକା ଭାବେ କାର୍ଯ୍ୟ କରୁଥିଲେ । ହେଲେ ରାଜନୀତିରେ ପାଦ ଦେବା ପାଇଁ ସେ ଚାକିରୀ ଛାଡିଛନ୍ତି ।

ଫୁଲବାଣୀ: ଅନୁସୂଚିତ ଜନଜାତି ସଂରକ୍ଷିତ ଗୁରୁତ୍ବପୂର୍ଣ ବିଧାନସଭା ଆସନ ଜି.ଉଦୟଗିରି ବିଧାନସଭା ଆସନରେ ବିଜେପି ପ୍ରାର୍ଥିନୀ ନବାଗତା ଅର୍ଚ୍ଚନା ପ୍ରଧାନ । ଅଧ୍ୟାପିକା ଚାକିରୀଛାଡି ରାଜନୀତିରେ ପଶିଥିଲେ ଅର୍ଚ୍ଚନା ।

ତେବେ ଏହି ନିର୍ବାଚନ ମଣ୍ଡଳୀରେ ଶିକ୍ଷା ସ୍ବାସ୍ଥ୍ୟ ପରି ମୌଳିକ ସମସ୍ୟାକୁ ଦୂର କରିବା ତାଙ୍କ ପ୍ରାଥମିକତା ହେବ ବୋଲି କହିଛନ୍ତି ଅର୍ଚ୍ଚନା । ଇଟିଭି ଭାରତ ସହିତ ଏକ ୱାନ ଟୁ ୱାନରେ ବିକାଶ ହିଁ ହେବ ତାଙ୍କ ମୂଳ ଲକ୍ଷ୍ୟ ଏବଂ ନବୀନ ସରକାର ଆଉ ନାହିଁ ଦରକାର, ହେବ ତାଙ୍କ ସ୍ଲୋଗାନ ବୋଲି ମତ ଦେଇଛନ୍ତି ।

ଏହି ନିର୍ବାଚନ ମଣ୍ଡଳୀକୁ କଂଗ୍ରେସର ଗଡ ବୋଲି କୁହାଯାଉଥିଲେ ହେଁ 2009ରେ ବିଜେପି ଜିତିଥିଲା ଏହି ଆସନ । ତେବେ 2014ରେ କଂଗ୍ରେସର ଜାକବ୍ ପ୍ରଧାନ ଜିତିଥିଲେ କିନ୍ତୁ ଚଳିତ ଥର ତାଙ୍କୁ ଟିକେଟ୍ ମିଳିଲା ନାହିଁ ।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ