ଫୁଲବାଣୀ: କନ୍ଧମାଳ ଜିଲ୍ଲା ଖଜୁରିପଡା ଥାନା ଅନ୍ତର୍ଗତ କୁଟିବାରି ଠାରେ ସଡକ ଦୁର୍ଘଟଣା । ଏକ କାର ଦୁର୍ଘଟଣାରେ ଜଣଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ଦୁଇ ଜଣ ଗୁରୁତର ଆହତ ହୋଇଛନ୍ତି। ଫୁଲବାଣୀରୁ ଖଜୁରିପଡାକୁ ଯାଉଥିବା ବେଳେ ଫୁଲବାଣୀ ନିକଟ କୁଟିବାରି ଠାରେ ଗଛରେ ପିଟି ହୋଇଥିଲା କାର । ଦୁର୍ଘଟଣାରେ ଫୁଲବାଣୀ ହାଟପଦାର ଅବଦୁଲ ରହିମଙ୍କର ମୃତ୍ୟୁ ହୋଇଛି।
କାର ଦୁର୍ଘଟଣାରେ ଜଣେ ମୃତ, 2 ଗୁରୁତର
ଅବଦୁଲ ଗାଡି ଚଳାଉଥିବା ବେଳେ ଗାଡିରେ ଥିବା ଅନ୍ୟ ଜଣେ ମହିଳା ମଞ୍ଜୁ ବେହେରା ଓ ଜଣେ 8 ବର୍ଷର ଶିଶୁ ଆହତ ହୋଇଛନ୍ତି। ସମସ୍ତଙ୍କୁ ପ୍ରଥମେ ଫୁଲବାଣୀ ଜିଲ୍ଳା ମେଡିକାଲରେ ଭର୍ତ୍ତି କରାଯାଇଥିବା ବେଳେ ଗୁରୁତର ଦୁଇ ଜଣଙ୍କୁ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି।