ଭବାନୀପାଟଣା: ନୂଆଁଖାଇ ବାସିରେ ଜିଲ୍ଲାରେ ଘଟିଛି ଅଘଟଣ । ଏଭଳି ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ଜୁନାଗଡ଼ ଥାନା ଅଧିନ ତାଳପଦର ଗାଁରେ। ନୂଆଁଖାଇ ପାଇଁ ଜିଲ୍ଲାବାସୀ ନାଚ ଗୀତରେ ମସଗୁଲ ଥିବାବେଳେ ଏଭଳି ଦୁଃଖଦ ଖବର ସାମ୍ନାକୁ ଆସିଛି । ସୂଚନାନୁସାରେ ଚିଚୈଗୁଡା ଗାଁର ଉପେନ୍ଦ୍ର ଭୋଇ ତାଳପଦର ଗାଁକୁ ନିଜ ସମ୍ପର୍କୀୟ ଘରକୁ ନୂଆଁଖାଇ ବାସି ଉତ୍ସବରେ ଯୋଗ ଦେବାକୁ ଯାଇଥିଲେ । ତେବେ ନିଜ ସମ୍ପର୍କୀୟଙ୍କ ସହ କେନାଲକୁ ଗାଧୋଇବାକୁ ଯାଇଥିବାବେଳେ ପାଣିରେ ବୁଡି ଯାଇଥିଲେ ଉପେନ୍ଦ୍ର ।
କେନାଲରେ ବୁଡି ଯୁବକ ମୃତ, ଘଟଣାସ୍ଥଳରେ ପୋଲିସର ତଦନ୍ତ ଜାରି
ଖବର ପାଇ ଗାଁ ଲୋକେ କେନାଲରେ ପହଞ୍ଚି ଉପେନ୍ଦ୍ରଙ୍କୁ ଦୀର୍ଘ ସମୟ ଧରି ଖୋଜାଖୋଜି କରିବା ପରେ ମଧ୍ୟ ନ ପାଇବାରୁ ଶେଷରେ ପୋଲିସକୁ ଖବର ଦେଇଥିଲେ। ଖବର ପାଇ ଘଟଣାସ୍ଥଳରେ ଜୁନାଗଡ ପୋଲିସ ଓ ଅଗ୍ନିଶମ ବିଭାଗ କର୍ମଚାରୀ ପହଞ୍ଚି କେନାଲରୁ ଭାସମାନ ଅବସ୍ତାରେ ମୃତଦେହଟିକୁ ଉଦ୍ଧାର କରିଛନ୍ତି।