ଟ୍ରିପଲ ମର୍ଡରର ପର୍ଦ୍ଦାଫାଶ: ସ୍ତ୍ରୀ ଓ ଦୁଇ ପୁଅକୁ ହତ୍ୟା କରିଥିଲା ଅଭିଯୁକ୍ତ

ଦୁଇ ଶିଶୁଙ୍କୁ ହତ୍ୟା କରିବା ପରେ ନିଜେ ମାଆ ଆତ୍ମହତ୍ୟା କରିବା ଘଟଣାରେ ଆସିଛି ନୂଆ ମୋଡ। ସ୍ତ୍ରୀକୁ ହତ୍ୟା କରିସାରିବା ପରେ ଦୁଇ ପୁଅଙ୍କୁ ହତ୍ୟା କରିଥିଲା ଅଭିଯୁକ୍ତ ବାପ।

କଳାହାଣ୍ଡି: ଜିଲ୍ଲାର ସଦର ଥାନା ଅଧିନସ୍ଥ ସିଂଝରଣ ଗାଁରେ ଦୁଇ ଶିଶୁଙ୍କୁ ହତ୍ୟା କରିବା ପରେ ମାଆ ଆତ୍ମହତ୍ୟା କରିବା ଘଟଣାରେ ଆସିଛି ନୂଆ ମୋଡ। ପୋଲିସ ତଦନ୍ତରୁ ମିଳିଥିବା ତଥ୍ୟ ଅନୁସାରେ ଏହା ଏକ ଟ୍ରିପଲ ମର୍ଡର। ସ୍ତ୍ରୀକୁ ହତ୍ୟା ପରେ ଦୁଇ ଶିଶୁଙ୍କୁ ହତ୍ୟା କରିଥିଲା ଅଭିଯୁକ୍ତ ବାପ।

ଏ ଘଟଣାରେ ଅଭିଯୁକ୍ତକୁ ଗିରଫ କରିଛି ପୋଲିସ। ପରକୀୟ ପ୍ରୀତି ପାଇଁ ଏହି ହତ୍ୟାକାଣ୍ଡ ହୋଇଛି। ସାମ୍ବାଦିକ ସମ୍ବିଳନୀରେ ଏ ସମ୍ପର୍କରେ ଜଣାଇଛନ୍ତି କଳାହାଣ୍ଡି ଏସପି ବାତୁଲା ଗଙ୍ଗାଧର। ଗତ ସୋମବାର ଜିଲ୍ଲାର ସିଂଝରଣ ଗାଁର ଜଣେ ମହିଳା ତାଙ୍କର ଦୁଇ ପୁଅକୁ ହତ୍ୟା କରି ନିଜେ ରେଳଧାରଣାରେ ଆତ୍ମହତ୍ୟା କରିଥିବା ନେଇ ଖବର ପ୍ରକାଶ ପାଇଥିଲା।

କଳାହାଣ୍ଡିରୁ ଅଜିତ ସିଂହ, ଇଟିଭି ଭାରତ