ଭବାନୀପାଟଣା: ଜିଲ୍ଲାରେ ଦ୍ରୁତ ଗତିରେ କାୟାବିସ୍ତାର କରୁଛି ମହାମାରୀ କୋରୋନା । ପ୍ରତ୍ୟେକ ଦିନ ଜିଲ୍ଲାରେ ଶହ ଶହ ସଂଖ୍ୟାରେ କୋରୋନା ଆକ୍ରାନ୍ତ ଚିହ୍ନଟ ହେଉଥିବା ବେଳେ ଲୋକଙ୍କୁ ସ୍ବାସ୍ଥ୍ୟସେବା ଯୋଗାଇ ଦେବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ୨ ଟି କୋଭିଡ୍ କେୟାର ସେଣ୍ଟରର ବ୍ୟବସ୍ଥା କରାଯାଇଛି ।
ହୋମ୍ ଆଇସୋଲେଶନ ପାଇଁ କଲ ସେଣ୍ଟରର ବ୍ୟବସ୍ଥା କଲା ଜିଲ୍ଲା ପ୍ରଶାସନ
ଭବାନୀପାଟଣା ସହର ନିକଟ କାମଠଣା ଠାରେ କୋଭିଡ୍ ହସ୍ପିଟାଲର ବ୍ୟବସ୍ଥା କରିଛି ପ୍ରଶାସନ । ସେପଟେ ଅନେକ ଆକ୍ରାନ୍ତ ବ୍ୟକ୍ତି ହୋମ ଆଇସାେଲେସନରେ ରହି ଚିକିତ୍ସା ମଧ୍ୟ ହେଉଛନ୍ତି । ସେପଟେ କେଉଁଭଳି ଭାବରେ ହୋମ ଆଇସୋଲେସନରେ ରହି ଚିକିତ୍ସିତ ହେଉଥିବା ରୋଗୀ ସମସ୍ୟାର ସମ୍ମୁଖିନ ନ ହେବେ ସେନେଇ ଏକ କଲ୍ ସେଣ୍ଟର ବ୍ୟବସ୍ଥା କରିଛି ପ୍ରଶାସନ ।