ଭବାନୀପାଟଣା: ରାତି ପାହିଲେ ପାଳିତ ହେବ ଅଧିଷ୍ଠାତ୍ରୀ ଦେବୀ ମାଁ ମାଣିକେଶ୍ବରୀଙ୍କ ପ୍ରସିଦ୍ଧ ଛତର ଯାତ୍ରା। କୋରୋନା କଟକଣା ମଧ୍ୟରେ ପାଳନ କରିବା ପାଇଁ ଭବାନୀପାଟଣାରେ ୧୪୪ ଧାରା ଲାଗୁ କରାଯାଇଛି । କୋଭିଡ କଟକଣାକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ପକ୍ଷରୁ ଯାତ୍ରା ସମୟରେ ଶ୍ରଦ୍ଧାଳୁଙ୍କ ଦର୍ଶନକୁ ବାରଣ କରାଯାଇଛି ।
ରାତି ପାହିଲେ ମାଁ ମାଣିକେଶ୍ବରୀଙ୍କ ପ୍ରସିଦ୍ଧ ଛତର ଯାତ୍ରା, ଭବାନୀପାଟଣାରେ ୧୪୪ ଧାରା ବଳବତ୍ତର
ଚଳିତବର୍ଷ ବିନା ଭକ୍ତ ଓ ବିନା ସାଂସ୍କୃତିକ କାର୍ଯ୍ୟକ୍ରମରେ ଭୋରରୁ ମାଣିକେଶ୍ବରୀଙ୍କ ବିଜୟ ପ୍ରତିମା ଛତର ବାହାରିବ ମନ୍ଦିର ଅଭିମୁଖେ । କଟକଣା ଅନୁଯାୟୀ ଛତ୍ର ବାହକ ମୁଣ୍ଡ ଚିନା ଜେନାବାଦ୍ୟକାର ଓ ମାଁଙ୍କ ପ୍ରିୟ ବାଦ୍ୟ ଘୁମୁର ଦଳ ଯାତ୍ରାରେ ସାମିଲ ହେବ।ସୁରକ୍ଷା ଦୃଷ୍ଟିରୁ ଜିଲ୍ଲା ପ୍ରଶାସନ ପକ୍ଷରୁ ଆଜି ରାତ୍ର ୮ ରୁ ଆସନ୍ତା କାଲି ସନ୍ଧ୍ୟା 4 ଟା ପର୍ଯ୍ୟନ୍ତ ଭବାନୀପାଟଣା ସହରରେ ୧୪୪ ଧାରା ବଳବର୍ତ୍ତର ଥିବା ବେଳେ ଭବାନୀପାଟଣା ସହର କୁ ପ୍ରବେଶ ଉପରେ କଟକଣା ଲଗାଇଛି ଜିଲ୍ଲା ପ୍ରଶାସନ।