ଭବାନୀପାଟଣା:ଖାଇଗଲେ ଜଙ୍ଗଲ ଟଙ୍କା। କଳାହାଣ୍ଡି ଜିଲ୍ଲା ଗୋଲାମୁଣ୍ଡା ସେକ୍ସନ ବନୀକରଣକୁ ନେଇ ଲୋକାୟୁକ୍ତରେ ଅଭିଯୋଗ । ବନୀକରଣ ଯୋଜନାରେ ଘୋଟାଲା ସହ ମନରେଗା ଯୋଜନାରେ ଅନିୟମିତତା ହୋଇଥିବା ନେଇ ଅଭିଯୋଗ ହୋଇଛି । କଳାହାଣ୍ଡି ଜିଲ୍ଲା ଉତ୍ତର ବନ ଖଣ୍ଡ କେଗାଁ ରେଞ୍ଜ ଅନ୍ତର୍ଗତ ଗୋଲାମୁଣ୍ଡା ସେକ୍ସନରେ ଦେଖିବାକୁ ମିଳିଛି ଅବ୍ୟବସ୍ଥା ।
ଜଙ୍ଗଲ ବନୀକରଣ ଟଙ୍କାରେ ଘୋଟାଲା, ଲୋକାୟୁକ୍ତରେ ଅଭିଯୋଗ
ଗୋଲାମୁଣ୍ଡା ସେକ୍ସନରେ ଜୁଲାଇ ୨୦୨୦-୨୧ ରୁ ସେପ୍ଟେମ୍ବର୍ ୨୦୨୧-୨୨ ଆର୍ଥିକ ବର୍ଷ ମଧ୍ୟରେ ହୋଇଥିବା ସିଏସଆର, କାମ୍ପା, ଆମ ଜଙ୍ଗଲ ଯୋଜନା ମନରେଗା ଯୋଜନାରେ ହୋଇଥିବା ବନୀକରଣ ମେଣ୍ଟେନାନ୍ସ ଚେକ୍ ଡ୍ୟାମ୍ ଭଳି ଅନେକ କାର୍ଯ୍ୟ ହାତକୁ ନିଆଯାଇଥିଲା । ଦେଢ କୋଟି ଟଙ୍କାର ଅନୁଦାନରେ ଅନିୟମିତତା ଓ ଘୋଟାଲା ହୋଇଥିବାବେଳେ ମନରେଗା ଯୋଜନାର ଶ୍ରମିକଙ୍କୁ ଅନ୍ୟ ଯୋଜନାରେ ନିୟୋଜିତ କରାଯାଉଥିବା ଅଭିଯୋଗ ହୋଇଛି । ଏହାସହ କାର୍ଯ୍ୟରେ ନିୟୋଜିତ ହୋଇନଥିବା ଲୋକଙ୍କ ନାମରେ ଲକ୍ଷାଧିକ ଟଙ୍କା ଜମା କରି ସରକାରୀ ଅର୍ଥକୁ ଆତ୍ମସାତ କରିଥିବା ଅଭିଯୋଗ ହୋଇଛି ।