ବିଶ୍ବ ଜନସଂଖ୍ୟା ଦିବସ: କଳାହାଣ୍ଡିରେ 'ଫ୍ୟାମିଲି ପ୍ଲାନିଙ୍ଗ ଫର ଅଲ'ର ଶୋଭାଯାତ୍ରା

କଳାହାଣ୍ଡି ଜିଲ୍ଲା ସ୍ବାସ୍ଥ୍ୟ ବିଭାଗ ପକ୍ଷରୁ ବିଶ୍ବ ଜନସଂଖ୍ୟା ଦିବସ ପାଳିତ ହୋଇଯାଇଛି ।

କଳାହାଣ୍ଡି: ଆଜି ବିଶ୍ବ ଜନସଂଖ୍ୟା ଦିବସ ବା ଓ୍ବାର୍ଲଡ ପପୁଲେସନ ଡେ । ଏନେଇ ଜିଲ୍ଲା ସ୍ବାସ୍ଥ୍ୟ ବିଭାଗ ପକ୍ଷରୁ ବିଶ୍ବ ଜନସଂଖ୍ୟା ଦିବସ ପାଳିତ ହୋଇଯାଇଛି । ଏହି ଅବସରରେ 'ଫ୍ୟାମିଲି ପ୍ଲାନିଙ୍ଗ ଫର ଅଲ' ର ବାର୍ତ୍ତା ନେଇ ଏକ ସଚେତନତା ଶୋଭାଯାତ୍ରା ଅନୁଷ୍ଠିତ ହୋଇଥିଲା । ଏହି ଶୋଭାଯାତ୍ରାରେ ଏଏନଏମ ଓ ଜିଏନଏମ ଛାତ୍ରୀ ଯୋଗଦେଇଥିଲେ ।

ସିଡିଏମଓ ପତାକା ଦେଖାଇ ଏହି କାର୍ଯକ୍ରମର ଶୁଭାରମ୍ଭ କରିଥିବା ବେଳେ ପରେ ଅନୁଷ୍ଠିତ ସଭାରେ କୃତୀ ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା । ସୁସ୍ଥ ଓ ସୁଖୀ ପରିବାର ଗଠନ ସହ ଏକ ସୁ-ସମାଜ ଗଠନ କାର୍ଯକ୍ରମର ମୂଳ ଲକ୍ଷ୍ୟ ବୋଲି ଜିଲ୍ଲା ମୂଖ୍ୟ ଚିକିତ୍ସା ଅଧିକାରୀ କହିଛନ୍ତି ।

କଳାହାଣ୍ଡିରୁ ଅଜିତ ସିଂହ, ଇଟିଭି ଭାରତ