ଭବାନୀପାଟଣା :ଦିନିକିଆ କଳାହାଣ୍ଡି ଗସ୍ତ କରିଥିଲେ ପୋଲିସ ମହାନିର୍ଦ୍ଦେଶକ ଅଭୟ । ସ୍ବତନ୍ତ୍ର ହେଲିକପ୍ଟର ଯୋଗେ କଳାହାଣ୍ଡି ରିଜର୍ଭ ପୋଲିସ ପଡିଆରେ ପହଞ୍ଚିବା ପରେ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା । ଲକଡାଉନ ସମୟରେ ଜିଲ୍ଲାରେ ଆଇନ ଶୃଙ୍ଖଳା ପରିସ୍ଥିତିକୁ ନେଇ ସମୀକ୍ଷା ବୈଠକରେ ଆଲୋଚନା ହୋଇଥିଲା ।
ଏହି ବୈଠକରେ ଡିଜିଙ୍କ ସମେତ କ୍ରାଇମବ୍ରାଞ୍ଚ ଏଡିଜି ସୌମେନ୍ଦ୍ର ପ୍ରିୟଦର୍ଶୀ, ଦକ୍ଷିଣ ପଶ୍ଚିମାଞ୍ଚଳ ଡ଼ିଆଇଜି ସଫିନ ଅହମଦ, କଳାହାଣ୍ଡି ଏସପି ବାତୁଲା ଗଙ୍ଗାଧରଙ୍କ ସମେତ ବହୁ ବରିଷ୍ଠ ଅଧିକାରୀ ଉପସ୍ଥିତ ଥିଲେ । ଲକଡାଉନର ଅବଧି ବୃଦ୍ଧି ଏବଂ ପୋଲିସ କାର୍ଯ୍ୟପନ୍ଥା, ଜବତ ଗାଡି ଓ ଜୋରିମନା ଆଦାୟ ସଂକ୍ରାନ୍ତରେ ହାଇକୋର୍ଟଙ୍କ ନିର୍ଦ୍ଦେଶ ଓ ପୋଲିସ କର୍ମଚାରୀଙ୍କ କାର୍ଯ୍ୟରେ ସାମାଜିକ ଦୂରତ୍ବ ଅବଲମ୍ବନ ନେଇ ଆଲୋଚନା କରାଯାଇ ଥିଲା
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
