ଭବାନୀପାଟଣା: ହାତୀ ଆକ୍ରଣରେ ବୃଦ୍ଧ ଗୁରୁତର । ଏଭଳି ଘଟଣା ଘଟିଛି କଳାହାଣ୍ଡି ଜିଲ୍ଲା ବିଶ୍ୱନାଥପୁର ରେଞ୍ଜ ଅଞ୍ଚଳରେ। ଲାଞ୍ଜିଗତ ବ୍ଳକ ଆମଝିରି ଗାଁର ରଞ୍ଜନ ମାଝୀ ଗାଁ ମୁଣ୍ଡରେ ଥିବା ଚାଷ ଜମିକୁ ଯାଇଥିବା ବେଳେ ନିକଟସ୍ଥ ନିମି ଜଙ୍ଗଲରୁ ଏକ ହାତୀପଲ ଚାଷ ଜମିକୁ ନଷ୍ଟ କରିଥିଲେ। ଏହି ସମୟରେ ସେ ହାତୀଙ୍କୁ ଘଉଡାଇବାକୁ ଚେଷ୍ଟା କରୁଥିବା ବେଳେ ଆକ୍ରମଣର ଶିକାର ହୋଇଥିଲେ । ଖବର ପାଇ ଘଟଣା ସ୍ଥଳରେ ବନ ବିଭାଗ କର୍ମଚାରୀ ପହଞ୍ଚି ହାତୀ ଘଉଡାଇବା ସହ ଗୁରୁତର ରଞ୍ଜନଙ୍କୁ ନର୍ଲା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିବା ଜଣାପଡ଼ିଛି ।
କଳାହାଣ୍ଡିରେ ଗଜରାଜଙ୍କ ଉପଦ୍ରବ, ବୃଦ୍ଧ ଗୁରୁତର