କଳାହାଣ୍ଡି: ମାଉସୀ ଘରୁ ଝିଆରୀର ଝୁଲନ୍ତା ମୃତଦେହ ଉଦ୍ଧାର ହୋଇଛି । ଘଟଣା ଘଟିଛି କଳାହାଣ୍ଡି ଜିଲ୍ଲା ଜୁନାଗଡ଼ ଥାନା ଅନ୍ତର୍ଗତ ଭଇଁରିଗୁଡା ଗାଁରେ । ଉକ୍ତ ଘଟଣାକୁ ନେଇ ସାରା ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି । ମୃତକ ହେଲେ ଜୁନାଗଡ଼ ମଦଭାଟି ପଡାର କପୁରଚନ ବେଶ୍ରାଙ୍କ 16 ବର୍ଷୀୟ ଝିଅ ବବି ବେଶ୍ରା ।
ଭିଡିଓ ସୌଜନ୍ୟ :ସମ୍ବାଦଦାତା, କଳାହାଣ୍ଡି
ଗତ 3 ମାସ ଧରି ବବି ଭଇଁରିଗୁଡା ଗ୍ରାମରେ ଥିବା ନିଜ ମଉସା ଜଳନ୍ଧର ଦୁର୍ଗା ଓ ମାଉସୀ ରାହାସ ଦୁର୍ଗାଙ୍କ ଘରେ ରହୁଥିଲେ । ଅପରାହ୍ନରେ ପରିବାର ଲୋକେ ଘରୁ ଆସିବା ପରେ ବିବି ଆତ୍ମହତ୍ୟା କରିଥିବା ଦେଖିବାକୁ ପାଇଥିଲେ । ପରେ ଝିଅର ପରିବାରକୁ ଖବର ଦେବା ସହିତ ଜୁନାଗଡ଼ ଥାନାରେ ଆତ୍ମହତ୍ୟା କରିଥିବା ନେଇ ଅଭିଯୋଗ କରିଥିଲେ ।