ଭବାନୀପାଟଣା: କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ଥାନା ଅଞ୍ଚଳରେ ଚାଞ୍ଚଲ୍ୟକର ଘଟଣା । ୩ ବର୍ଷୀୟ ଶିଶୁକନ୍ୟାକୁ ଦୁଷ୍କର୍ମ ଅଭିଯୋଗ । ନିଜ ସମ୍ପର୍କୀୟ ମଉସା ଘଟାଇଛି ଏହି କାଣ୍ଡ । ଝାମୁଯାତ୍ରାକୁ ବୁଲିବାକୁ ଯାଇଥିବା ସମୟରେ ମିଠା କିଣିଦେବା ବାହାନାରେ ନେଇ ଦୁଷ୍କର୍ମ କରିଥିବା ଅଭିଯୋଗ।
ସୂଚନା ଅନୁଯାୟୀ, ଗତକାଲି ସନ୍ଧ୍ୟା ସମୟରେ ଲାଞ୍ଜିଗଡ଼ ଅଞ୍ଚଳରେ ଝାମୁଯାତ୍ରା ଚାଲିଥିଲା। ପୀଡିତା ଶିଶୁଟି ଘରେ ଖେଳୁଥିବା ସମୟରେ ସମ୍ପର୍କୀୟ ମଉସା ଘରକୁ ଯାଇ ଶିଶୁଟିକୁ ଯାତ୍ରାରେ ମିଠା କିଣିଦେବାକୁ କହି ନେଇ ଯାଇଥିଲା । ପରେ ପରିବାର ଲୋକେ ବିଳମ୍ବ ହେବାରୁ ଖୋଜିବା ଆରମ୍ଭ କରିଥିଲେ। ଗାଁ ନିକଟରେ ଯାତ୍ରା ଚାଲୁଥିବାରୁ ସେଠାକୁ ଯାଇ ମାଇକ ଯୋଗେ ଘୋଷଣା ମଧ୍ୟ କରିଥିଲେ।