କଳାହାଣ୍ଡି: ଜିଲ୍ଲାର ମଦନପୁର ରାମପୁର ଥାନା ଅନ୍ତର୍ଗତ ଉର୍ଲାଦାନୀ ଅଞ୍ଚଳର ବିଭିନ୍ନ ଗାଁରେ ମାଓ ପୋଷ୍ଟର । ଆସନ୍ତା ୨୮ ତାରିଖରୁ ଅଗଷ୍ଟ ୩ ତାରିଖ ପର୍ଯ୍ୟନ୍ତ ଦୀର୍ଘ ୭ ଦିନ ବ୍ୟାପି ଶହୀଦ ସପ୍ତାହ ପାଳନ ହେଉଛି । ଏଥିପାଇଁ ସିପିଆଇ ମାଓବାଦୀ କେକେବିଏନ (କଳାହାଣ୍ଡି, କନ୍ଧମାଳ, ବୌଦ୍ଧ, ନୟାଗଡ଼ ) ଡିଭିଜନ ପକ୍ଷରୁ ଏହାକୁ ପାଳନ କରିବାକୁ ଆହ୍ବାନ ଦିଆଯାଇଛି ।
ଶହୀଦ ସପ୍ତାହ ପାଇଁ ମାଓବାଦୀ ରକ୍ତମୁଖା ହୋଇ ପଡିଥିବା ବେଳେ ଗତ ୨୧ ଓ ୨୨ ତାରିଖରେ ମାଓବାଦୀ ୨ ଜଣଙ୍କୁ ହତ୍ୟା କରିସାରିଛନ୍ତି । ସେହିପରି ୨୩ ତାରିଖରେ ପୋଲିସ-ମାଓବାଦୀ ଗୁଳି ବିନିମୟରେ ଜଣେ ମାଓବାଦୀଙ୍କ ମୃତ୍ୟୁ ହୋଇଥିଲା । ଯାହାକୁ ନେଇ ଜିଲ୍ଲାରେ ଏକ ପ୍ରକାର ଭୟର ବାତାବରଣ ଖେଳିଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା. କଳାହାଣ୍ଡି