ଭବାନୀପାଟଣା :କଳାହାଣ୍ଡି ଜିଲ୍ଲା କୁଶୁର୍ଲା ସ୍ଥିତ ନୀଳକଣ୍ଠେଶ୍ଵର ଶୈବପୀଠ ଠାରେ ମକର ସଂକ୍ରାନ୍ତି ପାରମ୍ପରିକ ରୀତିନୀତିରେ ଅନୁଷ୍ଠିତ ହୋଇଯାଇଛି । କୋଭିଡ କଟକଣା ଯୋଗୁଁ ଏବର୍ଷ କୁଶୁର୍ଲାର ପ୍ରସିଦ୍ଧ ମକର ମେଳା ବନ୍ଦ ରହି ଥିବା ବେଳେ ବିଧିରକ୍ଷା ପାଇଁ ସଂକ୍ରାନ୍ତି ନୀତି ପାଳିତ ହୋଇଛି । ଶୁକ୍ରବାର ସକାଳୁ ମହାଦେବଙ୍କ ରୀତିନୀତି ପୂଜାପାଠ ପରେ ସଂକ୍ରାନ୍ତି ହୋମ ଅନୁଷ୍ଠିତ ହୋଇଥିଲା ।
ଫିକା ପଡିଲା ମକର ମେଳା: ନୀଳକଣ୍ଠେଶ୍ଵରଙ୍କ ବିଧି ରକ୍ଷା ପାଇଁ ହେଲା ନୀତିକାନ୍ତି ଏହାପରେ ମକର ଚାଉଳ ଲାଗି ହୋଇଥିଲା । ଅନ୍ନପ୍ରସାଦ ପରେ ହରଗୌରୀଙ୍କୁ ରଥାରୂଢ କରି ନଗର ପରିକ୍ରମା କରାଯିବା ସହ ମକର ଚାଉଳ ବଣ୍ଟନ କରାଯାଇଥିଲା । ମହାଦେବଙ୍କ ନଗର ପରିକ୍ରମା ସମୟରେ ଶ୍ରଦ୍ଧାଳୁ ନିଜ ଘର ଅଗଣାରେ କଳସ ସ୍ଥାପନ କରି ମହାଦେବଙ୍କୁ ପୂଜାର୍ଚ୍ଚନା କରିଥିଲେ । ଅନ୍ୟ ବର୍ଷ ଗୁଡିକରେ ୭ ଦିନ ଧରି ଚଲୁଥିବା ଏହି ମକର ମେଳାରେ ଜିଲ୍ଲା ତଥା ଜିଲ୍ଲା ବାହାରରୁ ଶହ ଶହ ଶ୍ରଦ୍ଧାଳୁ ସାମିଲ ହୋଇଥାନ୍ତି। ହେଲେ ଚଳିତ ବର୍ଷ କୋଭିଡ କଟକଣା ବିଗାଡି ଦେଇଛି ମକର ମେଳାର ମାହୋଲ।
କଳାହାଣ୍ତିରୁ ଅଜିତ ସିଂ,ଇଟିଭି ଭାରତ
