କଳାହାଣ୍ଡି: ଆଉ ଦିନକପରେ ଚଳିତବର୍ଷର ସାଧାରଣ ନିର୍ବାଚନ । ଏନେଇ ଜୋରସୋରରେ ଚାଲିଛି ନିର୍ବାଚନୀ ପ୍ରଚାର । ତେବେ ମଙ୍ଗଳବାର ନିର୍ବାଚନୀ ପ୍ରଚାରର ଶେଷ ଦିନ ହୋଇଥିବାରୁ ରାଜ୍ୟର ବିଭିନ୍ନ ସ୍ଥାନରେ ଜାରି ରହିଛି ପ୍ରଚାର କାର୍ଯ୍ୟକ୍ରମ । କଳାହାଣ୍ଡି ଜିଲ୍ଲା ନର୍ଲା ନିର୍ବାଚନ ମଣ୍ଡଳୀରୁ ପ୍ରଥମଥର ପାଇଁ ବିଜେପି ପ୍ରାର୍ଥୀ ଭାବେ ନିର୍ବାଚନୀ ମଇଦାନକୁ ଓହ୍ଲାଇଛନ୍ତି ଅନିରୁଦ୍ଧ ପ୍ରଧାନ।
ଆମ ସ୍ବତନ୍ତ୍ର କାର୍ଯ୍ୟକ୍ରମ '5ଟି ପ୍ରଶ୍ନ ନେତାଙ୍କୁ'ରେ ପଚରା ଯାଇଥିବା ପ୍ରଶ୍ନର ଉତ୍ତର ରଖିଛନ୍ତି ଅନିରୁଦ୍ଧ ପ୍ରଧାନ । ସେ ନିର୍ବାଚନ ଜିତିଲେ ତାଙ୍କ ଜିଲ୍ଲାରେ ଥିବା ପାଣି, ରାସ୍ତା, ଘର, ବିଜୁଳି ଆଦି ସମସ୍ତ ସମସ୍ୟାର ସମାଧାନ କରିବେ । ତାଙ୍କ ସ୍ଲୋଗାନ ରହିଛି 'ସବକା ସାଥ, ସବକା ବିକାଶ' । ସେ ମୋଦିଙ୍କର ଏହି ନାରା ନେଇ ପ୍ରଚାର ମଇଦାନକୁ ଓହ୍ଲାଇଛନ୍ତି ଆଉ ପରବର୍ତ୍ତୀ ମୁହୂର୍ତ୍ତରେ ଏହାକୁ ସାର୍ଥକ କରି ଦେଖାଇବେ ବୋଲି ପ୍ରତିଶୃତି ଦେଇଛନ୍ତି ।
କଳାହାଣ୍ଡିରୁ ଅଜିତ ସିଂହ, ଇଟିଭି ଭାରତ
