ଭବାନୀପାଟଣା: କଳାହାଣ୍ଡି ଜିଲ୍ଲା ଜୁନାଗଡ଼ ଥାନା ଅନ୍ତର୍ଗତ ଖୁର୍ଶେଲଗୁଡା ଗାଁରେ ଅଭାବନୀୟ ଘଟଣା। ଜିତେନ୍ଦ୍ର ପଣ୍ଡା ନାମର ଜଣେ ବ୍ୟକ୍ତିଙ୍କ ଘରୁ ସେହି ଗାଁର ଡମ୍ବରୁଧର ରୋତି ନାମକ ଜଣେ ଶ୍ରମିକଙ୍କ ମୃତଦେହ ଉଦ୍ଧାର ହୋଇଛି । ଏହାକୁ କେନ୍ଦ୍ର କରି ଆଜି ଏକ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲା ।
କାର୍ଯ୍ୟରତ ଶ୍ରମିକ ମୃତ
ମାଲିକ ଜିତେନ୍ଦ୍ର ପଣ୍ଡା ଡମ୍ବରୁଧରଙ୍କ ହତ୍ୟା କରାଯାଇଥିବା ପରିବାରବର୍ଗ ଅଭିଯୋଗ କରିଛନ୍ତି। ନ୍ୟାୟ ଦାବିରେ ମୃତ ଶ୍ରମିକଙ୍କ ପରିବାର ଲୋକେ ମାଲିକ ଜିତେନ୍ଦ୍ରଙ୍କ ଘର ଆଗରେ ମୃତଦେହ ରଖି ପ୍ରତିବାଦ କରିଥିଲେ । ଘଟଣାସ୍ଥଳରେ ଜୁନାଗଡ଼ ଥାନା ପୋଲିସ ଓ ପ୍ରଶାସନ ପହଞ୍ଚି ପରିବାର ଲୋକଙ୍କୁ ପ୍ରତିଶୃତି ଦେବା ପରେ ପରିବାର ଲୋକେ ଆନ୍ଦୋଳନରୁ ଓହରି ଥିଲେ ।