ପାଣି ପାଇଁ ତେଜିଲେ ମହିଳା, ଗଡାଇଲେ ଗରା-ମାଠିଆ

ପାଣି ପାଇଁ ଘୋର ସମସ୍ୟା। ତାତି ବଢିବା ସହ ବଡୁଛି ଜଳକଷ୍ଟ। ଏହାସହ ଅସହ୍ୟ ତାତିରେ ଜଳକଷ୍ଟର ସାମ୍ନା ନକରିପାରି କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ଅନ୍ତର୍ଗତ ବାନେର ଗାଁର ସ୍ଥାନୀୟ ମହିଳାମାନେ ରାସ୍ତା ଅବରୋଧ କରିଛନ୍ତି।

କଳାହାଣ୍ଡି: ପାଣି ପାଇଁ ରାସ୍ତାରୋକ। ଜଳୁଛି ଟାୟାର ଓ ଗଡୁଛି ଗରା,ମାଠିଆ । ଏପରି ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ଅନ୍ତର୍ଗତ ବାନେର ଗାଁରେ। ଆଜି ଭୋର ସକାଳ 5.30 ରୁ ସ୍ଥାନୀୟ ମହିଳାମାନେ ଅବରୋଧ କରି ଓହ୍ଲାଇଛନ୍ତି ରାଜରାସ୍ତାକୁ।

ତେବେ ଜିଲ୍ଲାରେ ଦୀର୍ଘଦିନ ଧରି ପିଇବା ପାଣି ସମସ୍ୟା ଲାଗି ରହିଛି। କିନ୍ତୁ ବର୍ତ୍ତମାନ ସମୟରେ ଅସହ୍ୟ ଗରମକୁ ଜଳ କଷ୍ଟ ଯାହା ଲୋକଙ୍କୁ ଦୁର୍ଦ୍ଦଶାକୁ ଦ୍ବିଗୁଣ କରିଦେଇଛି । ଘଟଣା ବିଷୟରେ ସ୍ଥାନୀୟ ପ୍ରଶାସନକୁ ବାରମ୍ବାର ଅଭିଯୋଗ କରିବା ପରେ ମଧ୍ୟ କୌଣସି ପଦକ୍ଷେପ ନିଆଯାଉନାହିଁ। ଯେଉଁଥିପାଇଁ ବାଧ୍ୟହୋଇ ରାଜରାସ୍ତାକୁ ଓହ୍ଲାଇଛନ୍ତି ଏଠାକାର ସାଧାରଣ ଜନତା ।

ଘଟଣା ବିଷୟରେ ଖବର ପାଇ ବିଡିଓ ପହଞ୍ଚି ଉତ୍ତ୍ୟକ୍ତ ଲୋକଙ୍କ ସହ ଆଲୋଚନା ଜାରି ରଖିଛନ୍ତି। ତେବେ ପାଣି ପାଇଁ ଏଠାକାର ଲୋକମାନେ ପାଖରେ ଥିବା ଝରଣା ଓ କୂଅ ଉପରେ ନିର୍ଭର କରୁଥିବା ଅଭିଯୋଗ ହୋଇଛି ।

କଳାହାଣ୍ଡିରୁ ଅଜିତ୍ ସିଂ , ଇଟିଭି ଭାରତ