ଭବାନୀପାଟଣା: କଳାହାଣ୍ଡି ଜିଲ୍ଲା ଜୟପାଟଣା ସହର ସମେତ ସହରର ସ୍ବାସ୍ଥ୍ୟକେନ୍ଦ୍ରକୁ ଶନିବାର ସାନିଟାଇଜ କରିଛନ୍ତି ଅଗ୍ନିଶମ ବିଭାଗ କର୍ମଚାରୀ । କୋରୋନା ମୁକାବିଲା ନେଇ ସହରଠୁ ଗ୍ରାମାଞ୍ଚଳ ସବୁଠି ଏକ ଅଜଣା ଭୟର ବାତାବରଣ ଦେଖିବାକୁ ମିଳୁଛି । ଏପରି ସ୍ଥିତିରେ ଜିଲ୍ଲା ପ୍ରଶାସନ ପକ୍ଷରୁ କାର୍ଯ୍ୟକାରୀ ହେଉଛି ବିଭିନ୍ନ ସଚେତନତା କାର୍ଯ୍ୟକ୍ରମ ।
ତେବେ ଲକଡାଉନ ପାଇଁ ପ୍ରଶାସନ ସହ ପୋଲିସ ପ୍ରଶାସନ ଦିନ ରାତି ଲୋକଙ୍କ ସୁରକ୍ଷା ଚିନ୍ତାରେ ଲାଗି ପଡିଛନ୍ତି। ଏନେଇ ଜୟପାଟଣା ବ୍ଲକ ଅଗ୍ନିଶମ ବିଭାଗ ଦ୍ଵାରା ମଧ୍ୟ ଅନେକ ସତର୍କତାମୂଳକ କାର୍ଯ୍ୟକ୍ରମ ହାତକୁ ନିଆଯାଇଛି । ଶନିବାର ବିଭାଗ ପକ୍ଷରୁ ଜୟପାଟଣା ସହରକୁ ଔଷଧ ମିଶା କେମିକାଲ ପାଣିରେ ସାନିଟାଇଜ କରାଯାଇଛି । ତେବେ ଏହି ସାନିଟାଇଜେସନ ପ୍ରକ୍ରିୟା ଦ୍ବାରା ସହରକୁ କୋରୋନା ଦାଉରୁ ରକ୍ଷା କରାଯାଇପାରିବ ବୋଲି ପ୍ରକାଶ କରିଛନ୍ତି ଧର୍ମଗଡ ଏସଡିପିଓ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
