ଭବାନୀପାଟଣା: ମନରେଗା ଯୋଜନାରେ ଅନିୟମିତତା । ଗରିବ ଖଟିଆଖିଙ୍କ ଆର୍ଥିକ ସ୍ଥିତି ସୁଦୃଢ କରିବାକୁ ସେମାନଙ୍କ ପାଇଁ ୨୦୦୫ରୁ ମହାତ୍ମା ଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନାର ଆରମ୍ଭ ହୋଇଛି । ହିତାଧିକାରୀଙ୍କୁ କାର୍ଡ ବଣ୍ଟନ ସହ କାମ ବି ଯୋଗାଇ ଦିଆଯାଉଛି ହେଲେ ମଜୁରୀ ମିଳୁ ନାହିଁ । ଏପରି ଅଭିଯୋଗ ଆସିଛି କଳାହାଣ୍ଡି ଜିଲ୍ଲା ମାଡ଼ିଂଙ୍ଗପଦର ଗାଁରୁ ।
ବାଟବଣା ମନରେଗା ଯୋଜନା
ମନରେଗା ଯୋଜନା ମାଧ୍ୟମରେ ଜବକାର୍ଡଧାରୀଙ୍କୁ ବର୍ଷକୁ ୧୦୦ ଦିନର କର୍ମ ନିଯୁକ୍ତି ପାଇଁ ସରକାର ପ୍ରତିଶ୍ରୁତିବଦ୍ଧ । ହେଲେ ଏହି ଗାଁରର ପ୍ରାୟ ୪୦ ଜଣ ହିତାଧିକାରୀଙ୍କୁ ମନରେଗା ଯୋଜନାରେ ପଞ୍ଚାୟତ ତରଫରୁ ପୋଖରୀ ଓ ରାସ୍ତା ନିର୍ମାଣ କାର୍ଯ୍ୟରେ କାମ ମିଳିଥିଲା । ହେଲେ କାମ ସରିବାର ଆଜକୁ ପ୍ରାୟ ୨ ବର୍ଷ ପରେ ମଧ୍ୟ ଶ୍ରମିକଙ୍କୁ ମଜୁରୀ ମିଳିନାହିଁ । ଏନେଇ ହିତାଧିକାରୀ ବାରମ୍ବାର ପଞ୍ଚାୟତ ଅଫିସଠାରୁ ନେଇ ବ୍ଲକ ଅଧିକାରୀଙ୍କ ଦ୍ବାରସ୍ଥ ପରେ ମଧ୍ୟ କୌଣସି ସୁଫଳ ମିଳୁନଥିବା ଅଭିଯୋଗ କରିଛନ୍ତି ।