ଓଡିଶା କ୍ରିକେଟ ଟିମରେ ଖେଳିବେ କଳାହାଣ୍ଡିର ଗୋବିନ୍ଦ

ଧର୍ମଗଡ଼ର ଯୁବ କ୍ରିକେଟର ଗୋବିନ୍ଦ ନାଏକ ଓଡିଶା କ୍ରିକେଟ ଟିମରେ ସାମିଲ ହୋଇ ଜିଲ୍ଲା ପାଇଁ ଗୌରବ ଆଣିଛନ୍ତି । ଅଧିକ ପଢନ୍ତୁ...

ଭବାନୀପାଟଣା: ଓଡିଶା କ୍ରିକେଟ ଟିମରେ ସାମିଲ ହୋଇଛନ୍ତି କଳାହାଣ୍ଡି ପୁଅ । ଧର୍ମଗଡ଼ର ଯୁବ କ୍ରିକେଟର ଗୋବିନ୍ଦ ନାଏକ ଓଡିଶା କ୍ରିକେଟ ଟିମରେ ସାମିଲ ହୋଇ ଜିଲ୍ଲା ପାଇଁ ଗୌରବ ଆଣିଛନ୍ତି । ସଫଳତା ପାଇଁ ତାଙ୍କୁ ଛୁଟୁଛି ଶୁଭେଚ୍ଛାର ସୁଅ ।

ଓଡିଶା ସୁପର ଲିଗର ୟେଲୋ ଟିମରେ ଖେଳିବେ ଗୋବିନ୍ଦ । ଯାହାକୁ ନେଇ କ୍ରିକେଟ ପ୍ରେମୀଙ୍କ ମଧ୍ୟରେ ଦେଖା ଦେଇଛି ଉତ୍ସାହ । ଗୋବିନ୍ଦ ଧର୍ମଗଡ଼ ମାଁ ଭଣ୍ଡାରଘରଣୀ କ୍ରିକେଟ ଆସୋସିଏସନରେ ଗତ ଦୁଇ ବର୍ଷ ହେଲା ଖେଳି ଆସୁଛନ୍ତି । ତାଙ୍କର ଏ ସଫଳତା ପାଇଁ ଏମବିଜିୱାଇ ପକ୍ଷରୁ ତାଙ୍କୁ ସମ୍ବର୍ଦ୍ଧିତ କରାଯାଇଛି ।

ଓଡିଶା କ୍ରିକେଟ ଟିମରେ ସାମିଲ ହୋଇଥିବାରୁ ଓସିଏକୁ ଧନ୍ୟବାଦ ଜଣାଇଛନ୍ତି ଗୋବିନ୍ଦ । ଆଗାମୀ ଦିନରେ ଭଲ ପ୍ରଦର୍ଶନ କରି ଭାରତୀୟ କ୍ରିକେଟ ଟିମରେ ଖେଳିବାକୁ ଲକ୍ଷ୍ୟ ରଖିଛନ୍ତି । ତାଙ୍କର ଏହି ସଫଳତା ପାଇଁ ବିଭିନ୍ନ ମହଲରୁ ଛୁଟୁଛି ଶୁଭେଚ୍ଛାର ସୁଅ । ଅନେକ ଦିନ ଧରି କରି ଆସୁଥିବା ପରିଶ୍ରମ ଓ ସମସ୍ତଙ୍କ ସମର୍ଥନରେ ଏତେ ବାଟ ଆସିପାରିଥିବା କହିଛନ୍ତି ଯୁବ କ୍ରିକେଟର ଗୋବିନ୍ଦ ନାଏକ ।

କଳାହାଣ୍ଡିରୁ ଅଜିତ କୁମାର ସିଂ,ଇଟିଭି ଭାରତ