ଭବାନୀପାଟଣା: ଗାଁକୁ ଯିବାକୁ ହେଲେ ପାରି ହେବାକୁ ପଡେ ନଦୀ । ରୋଗୀ ହେଉ ଅବା ସାଧାରଣ ଲୋକ ସମସ୍ତେ ଏମିତି ନଦୀ ପାରି ହୋଇ ଯିବା ଆସିବା କରନ୍ତି । ଏମିତି କି ପିଇବା ପାଣି ଟିକକ ପାଇଁ ଆଦିବାସୀ ମହିଳା ମୁଣ୍ଡରେ ଗରା ଧରି ନଦୀ ପଠାକୁ ଯାଆନ୍ତି । ଯେଉଁଠି ରାସ୍ତାଘାଟ ଓ ପିଇବା ପାଣି ପାଇଁ ଅବ୍ୟବସ୍ଥା ସେଠାରେ ସ୍ବାସ୍ଥ୍ୟ ଓ ଶିକ୍ଷାର ଅବସ୍ଥା ବି ନକହିବା ଭଲ ।
କଳାହାଣ୍ଡି ଜିଲ୍ଲା ଜୁନାଗଡ଼ ବ୍ଲକର ଦେଦର ପଞ୍ଚାୟତ ସୂର୍ଲି ଗାଁର ଏହା ଘଟଣା । ପାହାଡିଆ ଗାଁକୁ ଯିବାକୁ ନାହିଁ ରାସ୍ତା । ଖାଲ ଖମା ରାସ୍ତା ଦେଇ ଗଲେ ପାରି ହେବାକୁ ପଡେ ଶଗଡା ନଦୀ । ପିଡିଏସ ସାମଗ୍ରୀ ପାଇଁ ପଞ୍ଚାୟତ କାର୍ଯ୍ୟାଳୟକୁ ଯିବାକୁ ଘଞ୍ଚ ଜଙ୍ଗଲ ମଧ୍ୟରେ ୫ କିଲୋମିଟର ଖାଲଖମା ରାସ୍ତା ପାର ହେବାକୁ ପଡେ। ମହିଳାମାନେ ପାଣି ପାଇଁ ମୁଣ୍ଡରେ ଗରା ଧରି ଗାଁ ଠାରୁ ୨ କିମି ଶଗଡା ନଦୀକୁ ଆଦିବାସୀ ମହିଳାଙ୍କ ଲମ୍ବା ଧାଡି । ସରକାରଙ୍କ ବିକାଶମୂଳକ ସ୍ଲୋଗାନ ‘ଗାଁ କୁ ଚାଲ-ଗାଁ କୁ ଗଢ’ ସତେ ଯେମିତି ଏଠାରେ ମୂଲ୍ୟହୀନ ହୋଇପଡିଛି ।
ସୂର୍ଲି ଗାଁକୁ ବାଟ ଭୁଲିଛି ବିକାଶ, ଯୋଜନା ଏଠି ସାତ ସପନ