କଳାହାଣ୍ଡି: ବେଦାନ୍ତ କମ୍ପାନୀ ମାଲବାହୀ ଟ୍ରେନକୁ ରଖି ଧାରଣାରେ ବସିଛନ୍ତି ଗୋପୀନାଥପୁର ଗ୍ରାମବାସୀ । ଲାଞ୍ଜିଗଡରେ ବେଦାନ୍ତ କାରଖାନା ପ୍ରତିଷ୍ଠା ହୋଇ ଦୀର୍ଘ ବର୍ଷ ବିତିଥିଲେ ବି ଆଜି ପର୍ଯ୍ୟନ୍ତ ସମ୍ପୃକ୍ତ ଅଞ୍ଚଳରେ କୌଣସି ବିକାଶମୂଳକ କାର୍ଯ୍ୟ କରିନାହିଁ ବେଦାନ୍ତ ।
ଅଞ୍ଚଳରେ ଅନେକ ଶିକ୍ଷିତ ବେକାର ଯୁବକ ଯୁବତୀ ଥିଲେ ହେଁ କମ୍ପାନୀରେ ଚାକିରୀ ଖଣ୍ଡିଏ ନ ପାଇ ବାହାର ରାଜ୍ୟକୁ ଯାଇ ଦାଦନ ଖଟୁଛନ୍ତି । କୌଣସି ଗାଁକୁ ରାସ୍ତା ଖଣ୍ଡିଏ ମଧ୍ୟ ହୋଇନାହିଁ । ଏହିପରି ବିଭିନ୍ନ ସମସ୍ୟାକୁ ନେଇ ଲାଞ୍ଜିଗଡ ବ୍ଲକ ଅନ୍ତର୍ଗତ ଗୋପୀନାଥପୁର ଗ୍ରାମବାସୀ ମଙ୍ଗଳବାର ବେଦାନ୍ତ ରେଳ ଧାରଣାରେ ବସି ଆନ୍ଦୋଳନ କରିଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି