ଭବାନୀପାଟଣା: ମଣ୍ଡିରୁ ଧାନ ଉଠାଣ ଦାବି ନେଇ ଚାଷୀଙ୍କ ଦାବିପତ୍ର ପ୍ରଦାନ । କଳାହାଣ୍ଡି ଜିଲ୍ଲା ଧର୍ମଗଡ ଉପଖଣ୍ଡ ଅଧିନରେ ଥିବା ବିଭିନ୍ନ ମଣ୍ଡିରେ ଟାର୍ଗେଟ ଅଭାବରୁ ହଜାର ହଜାର କୁଇଣ୍ଟାଲ ଧାନ ପଡି ରହିଛି । ଯାହାକୁ ନେଇ ଚାଷୀମାନେ ମଣ୍ଡିରୁ ଧାନ ଉଠାଣ ଦାବିରେ ବିଡିଓଙ୍କୁ ଦାବିପତ୍ର ପ୍ରଦାନ କରିଛନ୍ତି ।
ବିଡିଓଙ୍କୁ ଚାଷୀଙ୍କ ଦାବିପତ୍ର ପ୍ରଦାନ
ଆଜିକୁ ମାସେ ହେବ ଚାଷୀ ଶୀତ କାକରରେ ମଣ୍ଡିରେ ପଡି ରହି କେବେ ଟାର୍ଗେଟ ଆସିବ, ତାହାକୁ ନେଇ ଦିନ ଗଣୁଛନ୍ତି । ଅନ୍ୟପଟେ ପ୍ରଶାସନ କିମ୍ବା ରାଜ୍ୟ ସରକାର ଚାଷୀଙ୍କ ଦୁର୍ଦ୍ଦଶା ଦେଖି ମଧ୍ୟ ଆଖି ବୁଜି ଦେଇଛନ୍ତି । ବିଭିନ୍ନ ମଣ୍ଡିରେ ନାମମାତ୍ର ଚାଷୀମାନେ ଧାନ ବିକ୍ରି କରିବାକୁ ଆଣିଥିବା ବେଳେ କାହାର ବିବାହ ପାଇଁ ଟଙ୍କା ଦରକାର ଅଛି ତ ଆଉ କାହାର ଚିକିତ୍ସା ପାଇଁ ଅର୍ଥର ଆବଶ୍ୟକତା ଅଛି, ହେଲେ ପ୍ରଶାସନର ଦୋମୁହାଁ ନୀତିରେ ବଳି ପଡିଛନ୍ତି ଅନ୍ନଦାତା ।