କଳାହାଣ୍ଡି: ମହୁଲ ଫୁଲ, କେବଳ ଫୁଲ ନୁହେଁ ବଞ୍ଚିବାର ସାହାରା । ଏହି ଫୁଲ ସାଜିଛି କଳାହାଣ୍ଡି ଜିଲ୍ଲାର ଆଦିବାସୀ ଅଧ୍ୟୁଷିତଙ୍କର ଜୀବନଜୀବିକାର ପନ୍ଥା । ରାତି ପାହିଲେ ଗୋଟିଏ ଚିନ୍ତା ଜଙ୍ଗଲ ଯିବେ, ମହୁଲ ଫୁଲ ସଂଗ୍ରହ କରିବେ । ଆଉ ଫୁଲକୁ ବଜାରରେ ବିକ୍ରି କରି ପାଇବେ ଦୁଇ ପଇସା ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ପାହାଡ ଜଙ୍ଗଲ ଘେରା କଳାହାଣ୍ଡି ଜିଲ୍ଲା । ଯେଉଁଠି ଅଧିକାଂଶ ଲୋକେ ଆଦିବାସୀ ଶ୍ରେଣୀୟ । ଆଉ ସେମାନଙ୍କ ମୁଖ୍ୟ ବେଉସା ସାଜିଛି ମହୁଲ ଫୁଲ ସଂଗ୍ରହ । ଦିନ ରାତି ଲାଗି ପଡି ଯାହା ମହୁଲ ଗୋଟାନ୍ତି, ତାକୁ ବିକ୍ରି କରି ପେଟ ପୋଷନ୍ତି । ମାତ୍ର ଶିକ୍ଷା ଠାରୁ ଅନେକ ଦୂରରେ ଥିବା ଏହି ସରଳ ଆଦିବାସୀ ଜାଣି ନାହାନ୍ତି ମହୁଲ ଫୁଲର ଉଚିତ୍ ମୂଲ୍ୟ । ଯାହାର ଭରପୂର ଫାଇଦା ଦଲାଲ ଉଠାଉଥିବା ଅଭିଯୋଗ ହୋଇଛି ।