ଭବାନୀପାଟଣା: କଳାହାଣ୍ଡି ଜିଲ୍ଲା କେସିଙ୍ଗା ଥାନା ଡୁମେରମୁଣ୍ଡା ଜିନ ମାତା ଏଗ୍ରୋ ନାମକ ଏକ ରାଇସ ମିଲରେ ଅଘଟଣ ଘଟି ଜଣେ ଶ୍ରମିକଙ୍କ ମୃତ୍ୟୁ ହୋଇଛି। ମୃତ ଶ୍ରମିକ ଜଣକ ହେଲେ ବିହାର ରାଜ୍ୟର ପ୍ରଦୀପ ମେହେତା ବୋଲି ଜଣାପଡିଛି ।
ଦୀର୍ଘ ୧ ବର୍ଷ ହେଲା ସେ ଏଠାରେ କାମ କରୁଥିଲେ । ଖବର ପାଇ କେସିଙ୍ଗା ଥାନା ପୋଲିସ ମୃତଦେହ ଜବତ କରି ବ୍ୟବଛେଦ ପାଇଁ ପଠାଇଛି । ସୂଚନା ଅନୁଯାୟୀ ପ୍ରଦୀପ ମିଲରେ ଅନ୍ୟ ଶ୍ରମିକଙ୍କ ସହ କାମ କରୁଥିଲେ । ବଏଲର ତ୍ରୁଟି ଯୋଗୁଁ ହଠାତ ସେ ୪୦ ଫୁଟ ଉଚ୍ଚରୁ ଖସି ପଡ଼ିଥିଲେ।