ବନ୍ଦ କୋଠରୀ ଭିତରୁ ଯୁବକଙ୍କ ମୃତ ଦେହ ଉଦ୍ଧାର

କଳାହାଣ୍ଡି ଜିଲ୍ଲାର ଧର୍ମଗଡ ଥାନା ଅନ୍ତର୍ଗତ ଏଲନିସି ମିଶନ ସ୍କୁଲରୁ ଏକ ବନ୍ଦ କୋଠରୀରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର ।

କଳାହାଣ୍ଡି: ଜିଲ୍ଲାର ଧର୍ମଗଡ ଥାନା ଅନ୍ତର୍ଗତ କୂଟରୁରେ ଥିବା ଏଲନିସି ମିଶନ ସ୍କୁଲର ଏକ ବନ୍ଦ କୋଠରୀରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ମୃତ ଯୁବକ ହେଲେ ରୋଶନ ମୋହନ ଏକ୍କା । ସେ ଇଂରାଜୀ ଶିକ୍ଷକ ଭାବରେ ଉକ୍ତ ସ୍କୁଲରେ କାର୍ଯ୍ୟରତ ଥିଲେ।

ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ବନ୍ଦ କୋଠରୀରୁ ଝୁଲନ୍ତା ମୃତଦେହକୁ ଜବତ କରିବା ସହ, ଶବ ବ୍ୟବଚ୍ଛେଦ ପାଇଁ ପଠାଇଛି । ଧର୍ମଗଡ ଥାନାରେ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛି ପୋଲିସ ।

ସୂଚନାମୂତାବକ, ମୃତ ରୋଶନ ଗତ କିଛ ଦିନ ହେବ କୌଣସି କାରଣରୁ ମାନସିକ ଚାପରେ ଥିବା ସ୍କୁଲର ପ୍ରିନ୍ସିପାଲ ପ୍ରକାଶ କରିଛନ୍ତି । ତେବେ ବ୍ୟବଚ୍ଛେଦର ରିପୋର୍ଟ ଆସିବା ପରେ ହିଁ ସମସ୍ତ ଘଟଣା ସାମ୍ନାକୁ ଆସିବ ବୋଲି ପୋଲିସ ପକ୍ଷରୁ କୁହାଯାଇଛି ।

କଳାହାଣ୍ଡିରୁ ଅଜିତ ସିଂହ, ଇଟିଭି ଭାରତ