ଭବାନୀପାଟଣା: ମହାମାରୀ କୋରୋନାକୁ ମାତ୍ ଦେବା ପାଇଁ କଳାହାଣ୍ଡି ଜିଲ୍ଲାରେ ପ୍ରତିଷ୍ଠା ହେବାକୁ ଯାଉଛି ୨୦୦ ଶଯ୍ୟା ବିଶିଷ୍ଟ କୋଭିଡ ହସ୍ପିଟାଲ । ଏଥିପାଇଁ ଅନୁମୋଦନ କରିଛନ୍ତି ରାଜ୍ୟ ସରକାର। ଜିଲ୍ଲାର ଭବାନୀପାଟଣା ସହର ନିକଟ ବାନ୍ଧୋପିଲା ଠାରେ ଥିବା ସରକାରୀ ଇଞ୍ଜିନିୟରିଂ କଲେଜ ପରିସରରେ ଆରମ୍ଭ ହୋଇଛି ଜିଲ୍ଲାର ଦ୍ବିତୀୟ କୋଭିଡ ହସ୍ପିଟାଲ।
ଆରମ୍ଭ ହେଲା କଳାହାଣ୍ଡିରେ 2ୟ କୋଭିଡ ହସ୍ପିଟାଲ ନିର୍ମାଣ କାମ
200 ଶଯ୍ୟା ବିଶିଷ୍ଟ ଏହି ହସ୍ପିଟାଲରେ ୧୦ ଟି ଆଇସିୟୁ ରହିବା ସହ ଭେଣ୍ଟିଲେଟର ଓ ସମସ୍ତ ବେଡ଼ରେ ଅକ୍ସିଜେନର ବ୍ୟବସ୍ଥା ଉପଲବ୍ଧ କରାଯିବ। ଯୁଦ୍ଧକାଳୀନ ଭିତ୍ତିରେ ଆରମ୍ଭ ହୋଇଛି ନିର୍ମାଣ କାମ । ଲାଞ୍ଜିଗଡ଼ ବେଦାନ୍ତ ଆଲୁମିନା କମ୍ପାନୀର ସହଯୋଗରେ ଜିଲ୍ଲା ପ୍ରଶାସନ ଆରମ୍ଭ କରିଛି ନିର୍ମାଣ କାମ ।