ସଫେଇ କର୍ମଚାରୀଙ୍କ କାର୍ଯ୍ୟବନ୍ଦ ଆନ୍ଦୋଳନ

ଗୁରୁବାର କଳାହାଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟର ସଫେଇ କର୍ମଚାରୀମାନେ ବେତନ ସମସ୍ୟାକୁ ନେଇ କାର୍ଯ୍ୟ ବନ୍ଦ ଆନ୍ଦୋଳନ କରିଛନ୍ତି ।

କଳାହାଣ୍ଡି: ସଫେଇ କର୍ମଚାରୀଙ୍କ କାର୍ଯ୍ୟବନ୍ଦ ଆନ୍ଦୋଳନ । ଗୁରୁବାର କଳାହାଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟର ସଫେଇ କର୍ମଚାରୀମାନେ ବେତନ ସମସ୍ୟାକୁ ନେଇ କାର୍ଯ୍ୟ ବନ୍ଦ ଆନ୍ଦୋଳନ କରିଛନ୍ତି ।

ସୂଚନା ଅନୁଯାୟୀ, କଳାହାଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟ ଉପରେ ଜିଲ୍ଲାର ୧୩ ଗୋଟି ବ୍ଲକ ନିର୍ଭର କରୁଥିବାବେଳେ ପ୍ରତିଦିନ ଶହଶହ ସଂଖ୍ୟାରେ ରୋଗୀ ଏଠାକୁ ଚିକିତ୍ସା ପାଇଁ ଆସିଥାନ୍ତି । ତେବେ ଚିକିତ୍ସାଳୟକୁ ସଫା ରଖିବା ପାଇଁ ଏଲଆଣ୍ଡକେ ସର୍ଭିସ୍ ନାମକ ଏକ ଘରୋଇ ସଂସ୍ଥା ଟେଣ୍ଡର ପାଇ ପ୍ରାୟ ୫୦ରୁ ଊର୍ଦ୍ଧ୍ବ କର୍ମଚାରୀଙ୍କୁ ନିୟୋଜିତ କରିଛି ।

ହେଲେ ଏହି କର୍ମଚାରୀମାନେ ନିଜ ବେତନ ଠିକ୍ ଭାବରେ ପାଉନଥିବା ଅଭିଯୋଗ କରିଥିବାବେଳେ ସେମାନଙ୍କୁ ଇପିଏଫ ଟଙ୍କା ମଧ୍ୟ ମିଳୁନାହିଁ । ଏଥିସହ ସେମାନଙ୍କ ଦରମା ୯୦୦୯ ଟଙ୍କା ସ୍ଥିର ହୋଇଥିବାବେଳେ ସେମାନଙ୍କୁ ସମ୍ପୃକ୍ତ ସଂସ୍ଥା ୬୦୦୦ ଟଙ୍କା ଦେଉଛି । ଯାହା ଫଳରେ ସଫେଇ କର୍ମଚାରୀ ନିଜର ହକ୍ ପାଇବାରୁ ବଞ୍ଚିତ ହେଉଥିବା ଅଭିଯୋଗ କରିଛନ୍ତି । ତେଣୁ ଏନେଇ ଗୁରୁବାର ସଫେଇ କର୍ମଚାରୀମାନେ କାର୍ଯ୍ୟବନ୍ଦ ଆନ୍ଦୋଳନ କରିବା ସହ ନିଜର ହକ୍ ନପାଇବା ପର୍ଯ୍ୟନ୍ତ କାର୍ଯବନ୍ଦ କରିବା ପାଇଁ ଚେତାବନୀ ଦେଇଛନ୍ତି।

କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ