ଭବାନୀପାଟଣା: ଜାଗା ଦେଲେ ଘର ଦେଲେ, ଏବେ ତଡିବାକୁ ଚେତାବନୀ,୩୦ ଆଦିବାସୀ ପରିବାର ଯିବେ କୁଆଡେ ? ୨୫ ବର୍ଷର ଜାଗା ଘର ଛାଡିବାକୁ ନାରାଜ ଲୋକେ । ସରକାର ଦେଇଥିବା ଜମି ପଟ୍ଟା ଚିହ୍ନଟରେ ତ୍ରୁଟି । ୨୫ ବର୍ଷ ପରେ ଜାଗା ଛାଡିବାକୁ ଜମି ମାଲିକଙ୍କ ତାଗିଦ। ବାସହରା ହେବା ଭୟରେ ଆଦିବାସୀ ପରିବାର।
୨୫ ବର୍ଷ ପରେ ଜାଗା ଛାଡିବାକୁ ତାଗିଦ,୩୦ ଆଦିବାସୀ ପରିବାର ଯିବେ କୁଆଡେ
୧୯୯୬ ମସିହାରେ ଜାନକୀବଲ୍ଲଭ ପଟ୍ଟନାୟକ ସରକାର ଥିବା ସମୟରେ ଭୂମିହୀନ ୩୦ ପରିବାରକୁ ଯମୁନା ସାଗର ଗାଁରେ ଘର ଡିହ ପଟ୍ଟା ବଣ୍ଟନ କରିଥିଲେ। ସେହି ବର୍ଷ ୧୫ ମାର୍ଚ୍ଚରେ ସରକାରୀ ଯୋଜନାରେ ସେମାନଙ୍କୁ ଘର ଦିଆଯାଇଥିଲା। ସେବେଠୁ ସେମାନେ ଯମୁନା ସାଗର ଗାଁରେ ରହି ଆସୁଛନ୍ତି। ସମସ୍ତଙ୍କ ପାଖରେ ଘରଡ଼ିହ ଜମିପଟ୍ଟା ମଧ୍ୟ ରହିଛି। କିନ୍ତୁ ବର୍ତ୍ତମାନ ସେହି ଗାଁର ଜୈନିକ ବ୍ୟକ୍ତିଙ୍କ ନାଁରେ ସେଇ ଜାଗା ଗୁଡିକର ପଟ୍ଟା ଆସିଥିବା କହି ଜମି ମାଲିକ ୩୦ ପରିବାରକୁ ଉଠିବାକୁ କହୁଛି। ଦୀର୍ଘ ବର୍ଷରୁ ରହି ଆସୁଥିବା ତାଙ୍କ ସ୍ବପ୍ନର ଘର କାଳେ ଭାଙ୍ଗିଯିବ ସେ ଚିନ୍ତାରେ ୩୦ ଆଦିବାସୀ ପରିବାର।