ଖଲିଗଡ ଘାଟିରେ ଦୁର୍ଘଟଣା: ଜଣେ ମୃତ, ଜଣେ ଗୁରୁତର

ଖଲିଗଡ ଘାଟିରେ ବାଇକକୁ ପିଟିଲା ପିକଅପ ଭ୍ୟାନ । ଜଣେ ମୃତ, ଜଣେ ଗୁରୁତର। ପୋଲିସର ତଦନ୍ତ ଆରମ୍ଭ । ଅଧିକ ପଢନ୍ତୁ...

ଭବାନୀପାଟଣା:କଳାହାଣ୍ଡି ଖଲିଗଡ ଘାଟିରେ ବାଇକକୁ ପିଟିଲା ପିକଅପ ଭ୍ୟାନ । ଘଟଣାସ୍ଥଳରେ ଜଣେ ଯୁବକଙ୍କର ମୃତ୍ୟୁ ହୋଇଥିବାବେଳେ ଅନ୍ୟ ଜଣେ ଗୁରୁତର ଥିବା ଜଣାପଡ଼ିଛି । ଖବର ପାଇ ଆମପାଣି ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛି । ଗୁରୁତର ଯୁବକଙ୍କୁ କୋକସରା ହସ୍ପିଟାଲକୁ ପଠାଯାଇଛି ।

ମୃତ ଯୁବକ ଜଣକ ଖଲିଗଡ ଗାଁର ଘନଶ୍ୟାମ ଗଇନ୍ତା ବୋଲି ଜଣା ପଡିଥିବାବେଳେ ଗୁରୁତର ମଧ୍ୟ ସେହି ଗାଁର ଶ୍ୟାମ ସୁନ୍ଦର ମହାନନ୍ଦ । ତେବେ ଦୁର୍ଘଟଣା ଘଟାଇ ଥିବା ଗାଡି ଘଟଣାସ୍ଥଳରୁ ପଳାଇ ଖସି ଯାଇଛି । ତେବେ ଦୁଇ ଯୁବକ କୋକସରାରୁ ଖଲିଗଡ ଯିବା ସମୟରେ ଏହି ଦୁର୍ଘଟଣାର ଶିକାର ହୋଇଥିଲେ ।

କଳାହାଣ୍ତିରୁ ଅଜିତ ସିଂ, ଇଟିଭି ଭାରତ